Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Gaz ballonyn avtogaz quıatyn bekette toltyrý zańsyz – mınıstrlik

2021 jyldyń 29 qarasha 2021 16:36

NUR-SULTAN. QazAqparat – Elimizde turmystyq gaz ballonyn avtogaz quıý beketinde toltyrý zańsyz áreket sanalady. Bul týraly QR Energetıka mınıstrligi kómirsýtekter jáne jer qoınaýyn paıdalaný salalaryndaǵy memlekettik baqylaý departamentiniń dırektory Qudaıbergen Arymbek málim etti, dep habarlaıdy QazAqparat tilshisi.

«Búginde turmystyq ballonyn avtogaz quıý beketinde toltyrý ózekti másele bolyp otyr. Aıta ketý kerek, janarmaı quıý beketiniń operatory maman emes. Ol gaz ballonynyń tehnıkalyq jaramdylyǵyn teksermeıdi. Sondaı-aq, gaz ballondy toltyrý normasyn saqtaı bermeıdi. Munyń bári, saıyp kelgende, turmystyq gaz ballonynyń qaýipsizdigi máselesin elemeýdi bildiredi», - dedi Qudaıbergen Arymbek OKQ-de ótken baspasóz máslıhatynda.

Mınıstrlik ókiliniń aıtýynsha, gaz ballonyn avtogaz quıý beketinde toltyrý - zańsyz áreket jáne ol úshin jaýapkershilik qarastyrylǵan.

«QR Ákimshilik jaýapkershilik týraly kodeksinde avtogaz janarmaı quıý beketinde gaz ballondy toltyrǵany úshin aıyppul bar. Alaıda, búginde atalǵan qyzmet túrine qatysty ýákiletti organǵa shaǵym men ótinish túsken joq. Jalpy janarmaı quıý beketteri atalǵan áreketke paıda tabý maqsatymen barady. Osyǵan baılanysty, eger siz avtogaz beketinde turmystyq gaz ballonyn toltyrý oqıǵasyna kýá bolsańyz, onda zańbuzýshylyq týraly bizdiń mınıstrlikke habarlasańyz bolady», - deıdi ol.

Buǵan deıin departament basshysy búginde elimizde turmystyq gaz ballonyn qoldanýdyń jańa mehanızmin ázirleý qolǵa alynǵanyn habarlaǵan edi.


Joǵary qaraı