Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııa bıligi COVID-19-ǵa qarsy vaktsınalaýdy mindetti etpek

2021 jyldyń 3 jeltoqsan 2021 09:50

BRıÝSSELЬ. QazAqparat – Germanııa 2022 jyldyń aqpanyna qaraı COVID-19-ǵa qarsy ekpe saldyrmaǵan turǵyndarǵa vaktsınalaýdy mindetti etedi, dep habarlaıdy QazAqparattyń menshikti tilshisi.

«Tórtinshi tolqyn tez arada toqtatylýy kerek», - dedi GFR kantsleri Angela Merkel beısenbi kúni jańa sanıtarlyq sharalardy habarlaý barysynda. GFR bıligi jaqyn arada juqtyrý jaǵdaılaryn azaıtýdy kózdep otyr.

Jańa erejerelerge saı, ekpe saldyrmaǵan turǵyndarǵa bólshek saýda dúkenderine kirýge tyıym salynady. Bul qatarǵa dárihanalar men azyq-túlik sýpermarketteri kirmeıdi. Odan bólek, vaktsına almaǵan adamnyń áleýmettik ortasy edáýir shekteledi – otbasydan tys eki adamdy ǵana qabyldaýǵa ruqsat etilgen. Sonymen qatar olarǵa bar men meıramhanalarǵa kirýge tyıym salynǵan.

Germanııa bıligi Býndestagtyń 2022 jyldyń aqpanyna qaraı elde mindetti vaktsınalaý múmkindigin engizýdi talqyǵa salatynyn rastady.

«Vaktsınalaý týraly talap aqpanda kúshine enedi, oǵan deıin vaktsına almaǵan azamattardyń koronavırýsqa qarsy ekpe saldyrýǵa jetkilikti ýaqyty bar», dedi A. Merkel.

- Biz vaktsınalaýdy mindetti etý qajet emes dep úmittendik. Alaıda vaktsınalaý – pandemııany jeńýdiń jalǵyz joly, sol sebepti ony mindetti etý týraly sheshim qabyldaýymyz kerek, - dep qosty ol.

Germanııada koronavırýs juqtyrǵandar qatary sońǵy aptalarda tez ósip keledi. Kórshiles Nıderlandy men Belgııada da jaǵdaı osyndaı.




Basty sózder: Koronavırýs, Álem,
Joǵary qaraı