Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııa Federaldy Respýblıkasynda halyqtyń 70% KVI-ge qarsy ekpe saldyrdy

2021 jyldyń 23 qazan 2021 21:18

NUR-SULTAN. QazAqparat - Germanııa Federaldy Respýblıkasynda halyqtyń 70% vırýsqa qarsy egildi, biraq koronavırýstyń taralýy jalǵasýda, dep habarlaıdy COVID-19 taralýyna jol bermeý jónindegi VAK baspasóz qyzmeti.

Elde 23 qazanǵa qaraı SARS-CoV-2 ınfektsııasynyń aptalyq kórsetkishi rekordtyq deńgeıge jetti.

Robert Koh ınstıtýty 100 000 adamǵa shaqqanda 100 jaǵdaı oryn alǵandyǵyn jetkizdi. Bir apta buryn bul kórsetkish 100 000 turǵynǵa shaqqanda 67,7 jaǵdaıdy qurady. Búgingi tańda Germanııada halyqtyń 66%-y tolyǵymen egildi, bul shamamen 55 mıllıon adam. Vaktsınanyń bir dozasyn alǵandar sany - 57,5 mln.

Revaktsınatsııa Mońǵolııada júrgiziledi. El bıligi COVID-19 vaktsınasynyń údetkish dozasynyń tıimdiligi týraly málimdedi.

Eger halyqtyń 30% - dan astamy vaktsınanyń úshinshi dozasyn alsa, jańa KVI jaǵdaılarynyń sanyn azaıtýǵa bolady, - dep málimdedi Mońǵolııa Densaýlyq saqtaý mınıstrligi.

«Zertteý nátıjeleri boıynsha býsterlik dozany engizgennen keıin 14 kún ótken soń antıdeneler deńgeıi kúrt artady jáne vaktsınanyń úshinshi dozasy «delta» nusqasynan qorǵaýdyń tıimdiligin arttyrady. Revaktsınatsııa elde 25 tamyzda bastaldy, eń aldymen medıtsına qyzmetkerleri men qart adamdar údetkish dozany aldy.

13 qyrkúıekten bastap 18 jastan asqan barlyq azamattar vaktsınatsııalanady. Búgingi kúnge deıin 380 330 adam údetkish dozany aldy.


Basty sózder: Álem, Koronavırýs,
Joǵary qaraı