Aýa raıy
Astana 10 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Germanııa, Frantsııa, Ispanııada koronavırýs juqtyrǵandar sany kóbeıdi

2020 jyldyń 27 shilde 2020 10:05

LONDON. QazAqparat – Álemde jeksenbi kúngi jaǵdaı boıynsha koronavırýs juqtyrǵandar sany 16 mıllıon amadǵa jetti. Brıtanııa taǵy da Ispanııadan kelýshiler úshin eki aptalyq karantın engizse, Germanııa men Frantsııada indetke shalyqqandar sany kóbeıýde. Bul týraly QazAqparat VVS agenttigine silteme jasap habarlaıdy.

Brıtan bıligi Ispanııada koroavırýs juqtyrǵandar sanynyń artýyna baılanysty osy elden kelgenderge 14 kún oqshaýlaný sharasyn mindetteldi.

Maýsym aıynda Ispanııada el boıynsha kúnine 250 aýrý juqtyrý oqıǵasy tirkelse, osy aptada bir kúnde 1,5 myń koronavırýske shaldyǵý deregi tirkeldi.





Belgııa óz azamattaryna Ispanııaǵa barýǵa tyıym salyp, óz azamattaryna ol elge barýǵa bas tartýǵa keńes berdi.

Osy aptada EO-nyń kóptegen elinde Covid-19 juqtyrǵandar sany artty.





Senbi kúni Frantsııada jańa ınfektsııalar sany ekinshi kún qatarynan 1000 adamǵa kóbeıgeni týraly habarlandy, ıaǵnı ınfektsııanyń deńgeıi karantın toqtatylǵanǵa deıin mamyrda baıqalǵan deńgeıge qaıta oraldy.

Germanııada juma jáne senbi kúnderi kornavırýs jaǵdaılarynyń ósýi baıqaldy, tıisinshe 815 jáne 781, bul – mamyr aıynyń ortasynan bergi eń joǵary ósim.





Germanııa densaýlyq saqtaý mınıstri atap ótkendeı, elde aýrý juqtyrý deńgeıi joǵary elderden, sonyń ishinde AQSh pen Brazılııa, sondaı-aq Túrkııadan kelgen barlyq demalýshylar úshin koronavırýs mindetti test tapsyrýdy engize bastaıdy.

Aýstrııa dúısenbiden bastap epıdemıologııalyq jaǵdaıy qolaısyz elderden kelýshiler úshin elge kirý erejesin kúsheıtedi. 32 memleketten kelýshiler koronavırýsqa tapsyrǵan PTR-test teris nátıje kórsetse ǵana elge kire alady.

Belgııanyń Ulttyq qaýipsizdik keńesi shekteýlerdi alyp tastaýdyń besinshi kezeńin engizýdi keıinge qaldyrý, sondaı-aq elde aýrý juqtyrǵandar sanynyń ósýine baılanysty maska taǵý rejımdi kúsheıtý týraly sheshim qabyldady.

Jeksenbi kúni Iran sońǵy táýlikte koronavırýs juqtyrǵan jańa oqıǵalardyń sany 2 333, qaıtys bolý jaǵdaılarynyń sany 216 bolǵanyn rastady. Elde idetten kóz jumǵandardyń jalpy sany 15,7 myń.





Sáýir aıynda Iran karantındi álsiretip, meshitter men saýda ortalyqtaryn ashty, alaıda qazir bılik taǵy da qoǵamdyq is-sharalardy shektep, halyqty qoǵamdyq kólikte jáne adam kóp jınalatyn jerlerde maska taǵýǵa shaqyrady.

Sońǵy úsh kúnde AQSh-ta árbir 24 saǵat saıyn aýrý juqtyrýdyń jańa jaǵdaılarynyń sany 280 myńǵa ósti. Jalpy álemdik statıstıkada shamamen árbir tórtinshi jaǵdaı AQSh-qa tıesili ekenin kórsetedi.

Dúnıejúzilik densaýlyq saqtaý uıymy (DDSU) álemde koronavırýstyń taralýy jaǵdaıynyń shıelenisip turǵanyn eskertedi.

Úndistanda qıyn jaǵdaı qalyptasýda, onda 1,3 mln adamnyń aýrý juqtyrý jaǵdaılary tirkelgen. Olardyń 100 myńy - sońǵy eki kúnde anyqtalǵan. Epıdemıologtar sonymen birge pandemııa áli kúnge deıin órship turǵan AQSh pen Brazılııadaǵy jaǵdaıǵa alańdaýly. Pandemııa Afrıka elderinde de órshýde. Ońtústik Afrıkada, onda 420 myńnan astam indetke shaldyǵý oqıǵasy tirkelgen.

Sonymen qatar, DDSU málimetteri boıynsha, epıdemııanyń qurlyqta taralýy bastalǵannan beri 10 myńǵa jýyq medıtsına qyzmetkeri koronavırýspen aýyrǵan.





Basty sózder: Eýropa, Koronavırýs, Álem,
Joǵary qaraı