Germanııa qatań karantın rejımin 14 aqpanǵa deıin sozbaq

NUR-SULTAN. QazAqparat - Germanııa bıligi qatań karantındik sharalardan bas tartpaıtynyn jetkizdi. Federaldy úkimet pen federaldy jer bıliginiń ókilderi karantındi 14 aqpanǵa deıin uzartýǵa kelisti.

Bul týraly QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram arnasynan málim boldy, dep habarlaıdy QazAqparat.

«Qazirgi ýaqytty Berlınde qatań shekteý sharalaryn engizý múmkindigi talqylanýda. Olardyń ishinde - qoǵamdyq kólik jumysyna shekteýler qoıý jáne qorǵanys deńgeıi joǵary betperdelerdi mindetti túrde taǵý sharalary bar»,-delingen habarlamada.â €

Al Italııa Eýropadaǵy ólim-jitim boıynsha ekinshi orynda – ótken táýlikte 600-den astam adam qaıtys boldy. El Úkimeti koronavırýstyń «belsendi taralýynyń» jańa kezeńin jarııalady. Qazirgi ýaqytta aımaqtar arasyndaǵy qozǵalysqa tyıym salynýda. Atalǵan shekteýler 15 aqpanǵa deıin, al túngi komendanttyq saǵat 5 naýryzǵa deıin jalǵasady.

AQSh COVID-19 juqtyrý sany men ólim deńgeıi boıynsha kóshbastap tur. Kalıfornııa, vırýsty juqtyrǵandardyń sany 3 mıllıonnan asqan AQSh-tyń alǵashqy shtaty boldy. Jalpy memlekette 24 mıllıonnan astam jaǵdaı anyqtalǵan, 400 myńǵa jýyq el azamaty qaıtys bolǵan. Eki kórsetkish boıynsha da el álemde birinshi orynda.