Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Germanııa Reseı munaıyn ımporttaýdan bas tartady - Bloomberg

2022 jyldyń 16 mamyr 2022 16:44

BRıÝSSELЬ. QazAqparat – Bloomberg agenttiginiń málimetinshe, Germanııa úkimeti Eýropalyq Odaq munaı embargosyn engizýge kelispese de, osy jyldyń sońyna deıin Reseı munaıyn jetkizýden bas tartpaq, dep habarlaıdy QazAqparat menshikti tilshisi.

Mundaı aqparatty nemis mınıstrler kabınetindegi derekkózge silteme jasaı otyryp Bloomberg habarlady. Onda atap ótilgendeı, GFR úkimeti balamaly kózderden munaı jetkizý máselesin alty-jeti aı ishinde sheshe alady.

Batys jýrnalısteriniń málimetinshe, GFR Reseıden munaı ımportyn Ýkraınadaǵy oqıǵalar bastalǵaly beri energııa resýrstary ımportynyń jalpy kóleminde 35-ten 12 paıyzǵa deıin qysqartty. Sondaı-aq, Germanııa bıligi balamaly energııa jetkizetin eldermen kelissózderdi kúsheıtti. Bloomberg suhbattasýshylary nemis mınıstrler kabıneti Germanııanyń 6-7 aı ishinde osy problemamen baılanysty logıstıkalyq máselelerdi sheshe alatyndyǵyna senimdi dep sendirdi.

Agenttiktiń habarlaýynsha, Germanııa bıligi bul máseleni Baltyq mańyndaǵy nemis porty arqyly zaýytty otynmen qamtamasyz etý arqyly sheshýdi josparlap otyr.

Búgin Eýropalyq Odaqtyń syrtqy ister mınıstrleri Brıýsselde kezdesý ótkizip jatyr, onda Reseıge qarsy kelesi sanktsııalar paketi, taǵy basqa máseleler talqylanady.


Basty sózder: Munaı, Reseı, Álem,
Joǵary qaraı