Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Germanııadan Qazaqstanǵa salynatyn tikeleı ınvestıtsııa qaıta qalpyna kele bastady

2022 jyldyń 12 mamyr 2022 15:37

NUR-SULTAN. QazAqparat – Germanııadan Qazaqstanǵa salynatyn tikeleı ınvestıtsııa qaıta qalpyna kele bastady. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Bıyl 2020 jylǵy quldyraýdan keıin kórsetkishterdiń (Germanııadan tikeleı ınvestıtsııa) qaıta qalpyna kele bastaǵanyn baıqap otyrmyz. Qazaqstanda german kapıtaly salynǵan shamamen myńǵa jýyq jumys istep turǵan kásiporyn tirkelgen. Olardyń qatarynda Simens, BASS, Knauf, Lindo, Metro syndy kompanııalar bar. Jumysy teńquqylyq pen ózara tıimdilik ustanymy negizinde qurylǵan birlesken kásiporyndar elderimizdiń arasyndaǵy taýar aınalymynyń artýyna septigin tıgizedi. Elimizdiń aýmaǵynda german ónimderiniń sanyn arttyryp, jańa jumys oryndaryn qurady», - dedi Roman Sklıar elordada ótip jatqan Qazaqstan-german bıznes forýmynda.

Úkimet basshysynyń birinshi orynbasarynyń atap ótýinshe, eki eldiń yntymaqtastyǵyn damytýda German ekonomıkasynyń shyǵys komıteti, GFR Saýda-ónerkásip jáne syrtqy saýda palatasy mańyzdy rólge ıe. Bul qurylymdar Qazaqstan men Germanııanyń bıznes salasyn biriktirip qana qoımaı, sonymen birge ekonomıkalyq seriktestikti keńeıtý úshin ıdeıalar generatory da bola alady.

«Pandemııa kezinde german bıznesimen onlaın kezdesý ótkizý dástúrge aınaldy. Mashına jasaý, logıstıka, kólik, aýyl sharýashylyǵy, densaýlyq saqtaý, taý-ken metallýrgııa kesheni, bank, eksportty qarjylandyrý syndy túrli baǵytta mundaı 19 onlaın kezdesý ótkizildi», - dedi ol.


Joǵary qaraı