Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Germanııanyń densaýlyq saqtaý mınıstri koronavırýs juqtyrdy

2020 jyldyń 22 qazan 2020 08:06

BERLIN. QazAqparat – Germanııanyń densaýlyq saqtaý mınıstri Iens Shpannan koronavırýs anyqtaldy, habarlaıdy QazAqparat tilshisi.

Koronavırýs pandemııasy kezinde Germanııada eń tanymal bolǵan 40 jastaǵy saıasatker birden úı karantınine jiberildi. Mınıstr emdi úıde qabyldaıdy.

Apta basynda I.Shpan úkimet otyrysyna qatysqan bolatyn. Ol vırýs juqtyrýshysy bolýy múmkin. Alaıda, Germanııadaǵy keıbir BAQ-tyń habarlaýynsha, I.Shpan gıgıena erejelerin saqtap, maska taqqan, sondyqtan onyń mınıstrler kabınetindegi áriptesterine karantınge ketý mindetti emes.

Sondaı-aq, Germanııada COVID-19 juqtyrýshylar sany ósýde. Robert Koh ınstıtýtynyń málimetinshe, sońǵy táýlikte elde 7 595 koronavırýsqa shaldyǵýdyń jańa jaǵdaıy tirkelgen. Aýrý juqtyrý kórsetkishi 100 myń halyqqa shaqqanda 51 syrqattaný jaǵdaıyn quraıdy. Germanııada pandemııa bastalǵaly 380 myńnan astam koronavırýsqa shalydǵý jaǵdaıy tirkelgen. Olardyń 302 myńnan astamy emdelip shyqqan. 9966 adam qaýipti indetten kóz jumǵan.


Basty sózder: Eýropa, Karantın, Koronavırýs, Álem,
Joǵary qaraı