Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Golovkınniń promoýteri «Kanelomen» trılogııa týraly málimdeme jasady

2022 jyldyń 28 qańtar 2022 14:10

NUR-SULTAN. QazAqparat - Matchroom Boxing kompanııasynyń basshysy Eddı Hırn óziniń promoýsheni DAZN strımıngilik servısimen birlesip, ekinshi orta salmaqtaǵy absolıýtti álem chempıony Saýl «Kanelo» Alvareske Gennadıı Golovkınmen úshinshi aıqasty qamtıtyn eki jekpe-jekke usynys jasaǵanyn rastady, dep habarlaıdy QazAqparat Sports.kz-ke silteme jasap.

Taıaýda ESPN ınsaıderi Maık Koppındjer Alvarestiń Hırnnan 7 mamyrda jartylaı aýyr salmaqtaǵy álem chempıony reseılik Dmıtrıı Bıvolmen, keıin 17 qyrkúıekte GGG-men trılogııany aıaqtaý týraly usynys alǵanyn jazdy.

Matchroom Boxing-tyń básekelesteri El Heımon men PBC «Kaneloǵa» orta salmaqtaǵy WBC álem chempıony Djermall Charlony usynyp otyr.

«Eddı Reınoso men Saýl kelesi aıqasyna qatysty jospar qurýdy bastady. Biz tek óz oıymyzdy aıtyp jatyrmyz. Kelesi aptada «Kanelomen» jáne Eddımen kezdesýge baryp, olardyń ne oılaıtynyn bilip qaıtamyn. Men únemi aıtyp júrmin, olar ózderine qajet jáne ózderin yntalandyratyn, qyzyqtyratyn nusqany tańdaıdy. Ol biz jáne DAZN usynyp otyrǵan nusqa bolady dep úmittenemiz. Bıvol men Golovkınmen jekpe-jek pe? Iá, bul DAZN-nan kórgimiz keletin eki aıqas», - dep jaýap berdi Hırn IFL.TV-ge bergen suhbatynda.


Basty sózder: Boks, Sport, Gennadıı Golovkın, Qoǵam,
Joǵary qaraı