Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Grand Slam: Ǵusman Qyrǵyzbaev álemdik jarysta 7-shi boldy

2020 jyldyń 23 qazan 2020 21:46

NUR-SULTAN. QazAqparat - Býdapeshtte dzıýdodan álemdik Grand Slam kezeńi ótip jatyr, dep habarlaıdy Olympic.kz.

60 kelige deıingi salmaq dárejesinde synǵa túsken Ǵusman Qyrǵyzbaev jarysty jetinshi orynmen aıaqtady. Álemdik dodanyń birinshi kúninde synǵa túsken ol jubanysh beldesýinde jeńilip qaldy.

Qazaqstandyq dzıýdoshy atalǵan dodaǵa ekinshi aınalymnan qosyldy. Alǵashqy qarsylasy ájirbaıjandyq Davýd Mamadsoıdan basym túsip, shırek fınalda vengrııalyq Devıd Najımen beldesti. Jergilikti balýan otandasymyzdy sońǵy sekýndta vazarı upaıymen jeńip ketti. Nátıjesinde, Ǵusman Qyrǵyzbaev jubanysh beldesýine kúresýge múmkindik aldy.

Al jubanysh beldesýinde ol Mmońǵolııalyq Ýnýbold Lajvajatspen kezdesip, eskertý qaǵazymen utylyp qaldy. Aıta keterligi, álemdik Grand Slam kezeńi 25 qazanǵa deıin jalǵasady.


Basty sózder: Sport,
Joǵary qaraı