Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Grek-rım kúresi: Bes salmaqta QR chempıondary anyqtaldy

2020 jyldyń 25 qarasha 2020 21:18

ALMATY. QazAqparat - Almaty qalasynda ótip jatqan kúres túrlerinen Qazaqstan birinshiliginde grek-rım kúresinen bes salmaqta jeńimpazdar anyqtaldy, dep habarlaıdy QazAqparat tilshisi.

Álem chempıonatynyń kúmis júldegeri, almatylyq Qorlan Jahansha el birinshiliginde ekinshi oryndy qanaǵat tutty. Ol 55 keli salmaqta aqtyq synda jambyldyq Janserik Sársenbıevke jol berdi. Bul salmaqta úshinshi oryn elordalyq Marlen Muqashev pen Soltústik Qazaqstan oblysynan kelgen Amanǵalı Bekbolatovqa buıyrdy.

Jambyldyq taǵy bir balýan Sultan Ásetuly 63 kelide almatylyq Baǵlan Jaqanshadan aılasyn asyryp ketti. Qola júldege elordalyq Asaýhat Muhamedıev pen Almaty oblysynyń balýany Ǵalym Qabdýnasarov qol jetkizdi.

Al 72 kelide atyraýlyq Qaharman Qısmetov chempıon atansa, almatylyq Azat Sadyqov kúmis júldeger boldy. Úzdik úshtikti almatylyq Temirlan Ómirbaı men qyzylordalyq Oljas Súleımen túıindedi.

Qostanaılyq Mıras Barshylyqov 82 kelide qarsylas shaq keltirgen joq. Ol fınalda shymkenttik Shamıl Batyrovtyń osal tusyn tapty. Qostanaılyq Temirlan Baıǵanıın men aqtóbelik Qýanyshbek Dosjanov qola júldege qol sozdy.

Qaraǵandylyq Erulan Ysqaqov 97 kelide fınalda qyzylordalyq Oljas Syrlybaıdy jeńdi. Úshinshi orynǵa Shyǵys Qazaqstannan kelgen Salaýat Ahmetqalı men jambyldyq Meıirbek Qordabaı ıe boldy.

Esterińizge sala ketelik, 21-23 qarashada erkin kúresten, 24 qarashada áıelder kúresinen jeńimpazdar anyqtaldy.


Avtor Ádiljan Úmbet
Basty sózder: Aımaq, Almaty, Sport,
Joǵary qaraı