Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Grekııada komendanttyq saǵat engiziledi

2020 jyldyń 23 qazan 2020 08:17

NUR-SULTAN. QazAqparat – Grekııa úkimetiniń basshysy Kırıakos Mıtsotakıs 24 qazannan bastap COVID-19 qaýipti vırýsyna qarsy is-áreketter qoldaný maqsatynda jańa karantın shekteýleri engiziletinin málimdedi. Bul týraly QazAqparat Keep Talking Greece basylymyna silteme jasap habarlaıdy.

Senbi, 24 qazan kúngi tańǵy saǵat 6-dan bastap elde maska taǵý rejımi engiziledi. Endi turǵyndar maskany tek ǵımarat ishinde ǵana emes, kóshelerde taǵýǵa da mindetti bolady.

Budan basqa, epıdemııalyq jaǵdaıy kúrdeli aımaqtarda komendanttyq saǵat engiziledi. Ol túngi saǵat 00:30-dan tańǵy 5:00-ge deıin sozylady.

Sońǵy táýlik ishinde Grekııada koronavırýs juqtyrýdyń 882 jańa oqıǵasy tirkelgen. Bul - elde epıdemııa bastalǵaly eń úlken kórsetkish. Basylymnyń atap ótýinshe, karantındik shekteýlerdiń engizilýine indettiń órshýi sebep bolǵan.

Sońǵy málimetter boıynsha, Grekııada COVID-19 vırýsyna shaldyǵýdyń 28 216 oqıǵasy rastalǵan, koronavırýs ınfektsııasynan 549 adam qaıtys boldy.


Basty sózder: Koronavırýs, Karantın,
Joǵary qaraı