Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ǵylym: Ál-Farabı atyndaǵy memsyılyqty berý jónindegi komıssııanyń otyrysy ótti

2021 jyldyń 14 qazan 2021 16:41

NUR-SULTAN. QazAqparat - Memlekettik hatshy Qyrymbek Kósherbaevtyń tóraǵalyǵymen Qazaqstan Respýblıkasynyń ǵylym men tehnıka salasyndaǵy ál-Farabı atyndaǵy memlekettik syılyǵyn berý jónindegi komıssııanyń qorytyndy otyrysy ótti, dep habarlaıdy Aqordanyń resmı saıty.

Atalmysh memlekettik syılyq ǵylymı jańalyqtar ashqan, jańa tehnologııalar oılap tapqan ǵalymdarǵa, sondaı-aq ǵylymı – tehnıka jáne ınnovatsııa baǵytynda nátıjeli jumys atqaryp, elimizdiń áleýmettik-ekonomıkalyq damýyna aıtarlyqtaı úles qosqan mamandarǵa beriledi.

2021 jyly ál-Farabı atyndaǵy memlekettik syılyqqa úmitker 16 jumys kelip túsken. Aldyn ala irikteýden keıin onyń 10-y ekinshi kezeńge ótken.

Otyrys qorytyndysy boıynsha Komıssııa atalmysh memlekettik syılyqty berý úshin jumystar tizbesin bekitti. Endi ál-Farabı atyndaǵy memlekettik syılyǵyn berý týraly Qazaqstan Respýblıkasy Prezıdentiniń tıisti Jarlyq jobasy ázirlenetin bolady.

Atap ótý kerek, ál-Farabı atyndaǵy memlekettik syılyq ǵylym men tehnıka salasyndaǵy ǵalymdar úshin eń joǵary marapat.


Basty sózder: Bilim, Ǵylym,
Joǵary qaraı