Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵylym salasyn qarjylandyrýdaǵy jyldar boıy kóterilip kele jatqan máseleler sheshimin tapty - Ashat Aımaǵambetov

2021 jyldyń 3 qarasha 2021 15:56

NUR-SULTAN. QazAqparat - Parlament «Ǵylym týraly» Zańyna túzetýlerdi qabyldady. Úkimettiń bastamashylyq etýimen ári Parlament depýtattarynyń qoldaýymen qabyldanǵan jańa túzetýlerde ǵylym salasyn qarjylandyrýǵa ózgertý engizý máselesi óz sheshimin tapty, dep habarlaıdy Bilim jáne ǵylym mınıstri Ashat Aımaǵambetov Feısbýktegi paraqshasynda.

Mınıstrdiń aıtýynsha, zańǵa engizilgen túzetýler ǵylym salasyn qarjylandyrý men qoldaý sharalaryn jaqsartýǵa baǵyttalǵan.
«Buryn-sońdy ǵalymdardyń qatysýymen ótetin árbir kezdesýde ǵylymı zertteýlerdi qarjylandyrý merzimin 3 jyldan 5 jylǵa deıin ulǵaıtý máseleleri kóteriletin edi. Jalaqyny bazalyq qarjylandyrý tetigine tek basshylar men kómekshi qyzmetkerlerdi ǵana emes, sonymen birge ǵylymı qyzmetkerlerdi de qosý qajettiligi týraly másele jyldar boıy kóteriletin. Gýmanıtarlyq beıindegi ǵalymdarymyz (qazaq ádebıeti, til bilimi, Qazaqstan tarıhy, arheologııa, fılosofııa jáne t.b.) osy baǵyttardy qarjylandyrý máselesine erekshe nazar aýdarý qajet ekendigin 10 jyldan astam ýaqyttan beri aıtyp keledi», - dep, BǴM basshysy saladaǵy ózekti máselelerdi atady.
Ashat Aımaǵambetov Prezıdenttiń tikeleı qoldaýynyń arqasynda jáne Qazaqstan halqyna Joldaýynda aıtylǵan tapsyrmalarynyń nátıjesinde atalǵan máselelerdiń barlyǵy Úkimettiń bastamashylyq etýimen ári Parlament depýtattarynyń qoldaýymen qabyldanǵan jańa túzetýlerde óz sheshimin tapqanyn málimdedi.
«Qysqa merzim ishinde qajetti túzetýler ázirlenip, Parlamenttiń qaraýyna engizildi. Jańa normalar Memleket basshysy Zań jobasyna qol qoıǵannan keıin kelesi jyldan bastap zańdy kúshine enedi. Bul degenimiz, kem degende 1600 ǵalym bazalyq qarjylandyrý sheńberinde turaqty negizde jalaqy ala bastaıdy.

Al, gýmanıtarlyq beıindegi ınstıtýttar tikeleı qarjylandyrý sheńberinde tek granttyq jobalarǵa ǵana táýeldi bolmaı, kerisinshe óz baǵyttary boıynsha zertteýler júrgizý úshin turaqty qarjylandyrylatyn bolady», - deıdi mınıstr.

Sonymen qatar mınıstr ǵylymı qaýymdastyq kóptegen jyldar boıy Ulttyq ǵylymı keńester jumysynyń obektıvtiligin arttyrýǵa umtylyp kelgenin, óıtkeni bıýdjettik qarjylandyrý týraly sheshimdi ǵylymı keńester qabyldaıtynyn aıtty.
«Sońǵy eki jylda atalǵan keńesterdiń jumysynda aıtarlyqtaı oń ózgerister oryn aldy. Ulttyq ǵylymı keńes sheshimderiniń barynsha negizdiligi men obektıvtiligin qamtamasyz etý úshin zań júzinde apellıatsııalyq komıssııa engizilip jatyr. Komıssııa Ulttyq ǵylymı keńes sheshimderine qatysty ǵalymdardyń apellıatsııalary men Ádep kodeksin saqtaý máselelerin qarastyratyn bolady», - dep túıdi sózin ol.

Joǵary qaraı