Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵylymı jobalardy kommertsııalandyrý: Qazaqstandyq ǵalymdar 320 mln teńge tabys tapty

2021 jyldyń 24 jeltoqsan 2021 13:00

NUR-SULTAN. QazAqparat - Qazaqstandyq ǵalymdar sońǵy 2 jylda QR BǴM qoldaýymen ǵylymı jobalardy kommertsııalandyrýdyń nátıjesinde 320 mıllıon teńgeden astam tabys tapty, dep habarlaıdy atalǵan vedomstvonyń baspasóz qyzmeti.

Sońǵy eki jylda qazaqstandyq ǵalymdardyń 100-ge jýyq ǵylymı jobasy Ǵylym qorynyń qoldaýymen kommertsııalandyryldy. 70-ten astam ǵalym bıznestegi úlesteri men roıaltıden (lıtsenzııalyq syıaqy túri) kiris alady. Búgingi tańda ǵalymdar ózderiniń ǵylymı ázirlemelerin paıdalanǵany úshin 320 mıllıon teńgeden astam paıda tapty.

«QR BǴM Ǵylym Qory júzege asyratyn ǵylymı jáne ǵylymı-tehnıkalyq qyzmet nátıjelerin kommertsııalandyrý baǵdarlamasynyń nátıjesinde ǵylymı uıymdar men ǵalymdar ózderiniń ǵylymı jobalaryn iske asyrýǵa, sonymen birge jańa óndiristerdi iske qosýǵa múmkindik aldy. Osylaısha, ǵylymı ortalyqtardyń qarjylyq táýelsizdigi artty. Kóptegen ǵalymdar eńbek jolyn belgili bir máselelerge arnap, ony jaqsy túsinip, ózderiniń kásibı quzyrettilikterin turaqty bızneske jetkizýge tyrysady. Biz ǵalymdarǵa olardyń ázirlemlerin kommertsııalandyrýǵa kómektestik jáne qazir olar óz jobalaryn júzege asyrýdan turaqty paıda tabýda. Búgingi tańda 79 ǵylymı-zertteý ınstıtýty men joǵary oqý oryndary jańa óndiristerdiń teń quryltaıshylary bolyp tabylady», — dep atap ótti QR BǴM Ǵylym Qory Basqarmasynyń Tóraǵasy Aryn Orsarıev.


Joǵary qaraı