Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Halyq ınflıatsııa deńgeıi qalaı bolady dep sanaıdy - saýalnama

2022 jyldyń 14 qańtar 2022 10:44

NUR-SULTAN. QazAqparat - 2021 jyldyń jeltoqsan aıyndaǵy halyqtyń ınflıatsııalyq kútýleri boıynsha QR UB Aqsha-kredıt saıasaty departamenti dırektorynyń orynbasary Denıs Chernıavskııdiń túsindirme jasady, dep habarlaıdy QazAqparat.

2021 jylǵy jeltoqsanda ınflıatsııalyq kútýlerdiń sandyq baǵasy birshama tómendedi jáne 10,3%-dy (qarashada 10,8%) qurady. Respondentterdiń eń kóp úlesi kelesi 12 aıda baǵanyń qazirgi ósý qalpynyń saqtalatynyn nemese odan da jedeldeı túsetinin jáne osy kórsetkishtiń 66%-ǵa deıin (2021 jylǵy qarashada 63%) ulǵaıatynyn kútedi. Bul rette jeltoqsanda suralǵandardyń ishinde baǵanyń odan ári ósýin kútetin úlesi qarashadaǵy eń joǵarǵy deńgeı – 35%-dan 31%-ǵa deıin tómendedi.

Jeltoqsan aıynda respondentterdiń kópshiligi (65%) ótken jyly baǵanyń óte tez óskenin atap ótti, biraq bul kórsetkish qarashanyń mánimen (74%) salystyrǵanda aıtarlyqtaı tómen boldy. Ótken aıda baǵanyń serpinin baǵalap, aıtarlyqtaı óskenin baıqaǵan respondentterdiń úlesi jeltoqsanda 58%-dy (qarashada 61%) qurady. Saýalnamaǵa qatysqandardyń basym kópshiligi azyq-túlik baǵasynyń ósetinin aıtty, olardyń úlesi qarasha aıynda 85% qurady.




Jınaq aqshasy bar halyqtyń úlesi 2021 jylǵy jeltoqsanda 18% (qarashada 16%) boldy. Respondentterdiń kópshiligi óz jınaǵyn bank depozıtinde jáne qolma-qol aqsha túrinde saqtaıdy. Jeltoqsan aıynda respondentterdiń kóbi qazirgi ýaqytty qor jınaý úshin qolaısyz kezeń dep sanady (36%) jáne olardyń úlesi sońǵy úsh aıda óse tústi. Sońǵy jyly jınaqtardyń tómendegenin atap ótken respondentterdiń úlesi 2021 jylǵy qarashadaǵy 19%-dan 24%-ǵa deıin (2020 jylǵy jeltoqsandaǵy 19%) artty.

Saýalnamaǵa sáıkes, 2021 jylǵy jeltoqsanda tutynýshylyq kóńil-kúı ındeksi azdap kóterilip, 103,1 (qarashada – 102,4) qurady. Sonymen qatar, ótken jyly jeke qarjylyq jaǵdaıdy baǵalaý nasharlady, biraq bolashaq jaǵdaıdy baǵalaý is júzinde ózgergen joq. Sondaı-aq, halyqtyń iri satyp alýlarǵa daıyndyǵynda ósim bar – respondentterdiń 21%-y (qarasha aıynda 19%) satyp alý úshin qazirgi ýaqytty qolaıly kóredi.

Eldiń damýy boıynsha qysqa merzimdi baǵalaý jaqsardy, bul rette uzaq merzimdi baǵalaý ózgerissiz qaldy. Respondentterdiń 38%-y bir jyl alǵa ekonomıkanyń damý perspektıvalaryn oń baǵalasa, 5 jyl alǵa baǵa bergenderdiń úlesi 37% boldy.


Basty sózder: Inflıatsııa,
Joǵary qaraı