Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq resmı BAQ-qa qaraǵanda áleýmettik jelige kóbirek senetin boldy – sarapshy

2021 jyldyń 28 qyrkúıek 2021 17:25

NUR-SULTAN. QazAqparat – EQYU-nyń BAQ bostandyǵy jónindegi ókili Tereza Rıbeıro pandemııa kezeńindegi BAQ pen áleýmettik jelilerdiń mańyzy týraly pikir bildirdi, dep habarlaıdy QazAqparat tilshisi.

«Biz eki jylǵa jýyq ýaqyt pandemııa kezeńinde ómir súrip kelemiz. Bastapqyda-aq munyń birlesken kúsh-jigerdi, aıryqsha tásildi qajet etetin jahandyq syn-qater ekeni belgili boldy. Qazir de memleketter vaktsına jetkizý, vaktsına jetkizý baǵyttary jáne álem boıynsha antıvakserlerdiń áreketteri syndy máselelerdi sheshýge tyrysyp jatyr», - dedi spıker Astana Media Week forýmynyń «Jańa, kovıdtan keıingi álemdegi qoǵam jáne BAQ» paneldik sessııasynda.

Tereza Rıbeıro áleýmettik jelilerdiń rólin de laıyqty baǵalaý qajettigin aıtty.

Óıtkeni 2020 jylmen salystyrǵanda áleýmettik jelini paıdalanatyndar sany 13 paıyzǵa nemese 2,4 mlrd adamǵa ulǵaıǵan.

«Koronavırýsqa baılanysty aqparat alý úshin kóptegen adamdar ınternetke qol jetkizdi. Sondaı-aq, ınternet sóz bostandyǵy men tsıfrlyq BAQ damytý úshin de mańyzdy. Ekinshi jaǵynan halyqtyń resmı BAQ-qa qaraǵanda áleýmettik jelige kóbirek senetini anyqtalyp otyr. Al onda feık jańalyqtardyń da bolý qaýpi joǵary. Bárimizge osy qubylystyń túrli formalaryna jaýap qatyp, jýrnalıster atmosferasyna úles qosý mańyzdy. Jáne bul qoǵam úshin de, osy qurmetti mamandyq ókilderi úshin de úlken syn-qater», - dedi Tereza Bıbeıro.

Eske sala ketsek, keshe elordada Astana Media Week – 2021 jyl saıynǵy medıaaptalyǵy bastaldy.

AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi.

Ondaǵy is-sharalar onlaın jáne oflaın-alańdarda da josparlanǵan.


Joǵary qaraı