Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq sanaǵy: 22 adamnan turatyn úlken otbasy sanaqtan onlaın ótti

2021 jyldyń 14 qyrkúıek 2021 14:08

QARABULAQ. QazAqparat - Túrkistan oblysy Saıram aýdany Qarabulaq aýylynda Abdazımovtar otbasy halyq sanaǵynan onlaın rejımde ótti. Bul otbasy 22 adamnan turady, dep habarlaıdy QazAqparat.

«Meniń jeti balam bar-tórt ul, úsh qyz. Qazir úıde barlyǵy-22 adam. Biz barlyq 22 adamǵa sanaqtan onlaın óttik jáne barlyq otandastarymyzdy sanaqtan onlaın ótýge shaqyramyz», - dedi otaǵasy Abdýlakım Abdazımov.

Aqsaqalmen bir úıde onyń uldary jubaılarymen birge jáne 12 nemeresi turady. Qyzdary turmysqa shyǵyp, bólek turady, olar da sanaqtan ákeleri sııaqty onlaın-formatta ótken.

14 qyrkúıek saǵat 9:00-degi jaǵdaı boıynsha 2 465 217 respondent onlaın sanaqtan ótti. Olardyń 2123896-si sanaq.gov.kz saıtynda, 244097 adam Egov portalynda tirkelý arqyly jaýap berse, 97224 adam sanaqqa Aitu qosymshasy arqyly qatysty.

13 kúnniń qorytyndysymen Almaty oblysy alda. Munda 252149 turǵyn sanaqtan ótkeni jaıly habarlama alǵan.

Onlaın sanaqtan ótken taǵy 224842 adam Almaty qalasynda tirkelgen. Úzdik úshtikti Qyzylorda oblysy túıindedi.

Munda 204546 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Mańǵystaý jáne Atyraý oblystary enshilep tur. Bul óńirlerde sáıkesinshe 56926 jáne 53781 adam sanaqtan ótipti.

Al, jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur.

Munda azamattardyń 24,9% saýaldarǵa jaýap bergen (1 tamyzdaǵy jaǵdaı boıynsha óńirde 823052 adam tirkelgen).

Bul kórsetkish boıynsha Batys Qazaqstan oblysy ekinshi orynda.

Munda turǵyndardyń 19,8% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 749754 adam tirkelgen).

Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady.

Sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady.

Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin.


Joǵary qaraı