Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq sanaǵy: Saýaldyń basym bóligi nege turǵyn úı jaǵdaıyna arnalǵan

2021 jyldyń 13 qyrkúıek 2021 17:49

ALMATY. QazAqparat- Halyq sanaǵy eń aldymen megapolıs turǵyndary úshin qajet. Bul týraly Almaty qalalyq Josparlaý jáne ýrbanıstıka basqarmasynyń basshysy Almashan Ahmedjanov onlaın brıfıng barysynda aıtty, dep habarlaıdy QazAqparat tilshisi.

Onyń aıtýynsha, halyq sanaǵy perspektıvaly áleýmettik baǵdarlamalardy ázirleýge óz úlesin qosady.

«Saýalnamada «turǵyn úılerdiń (turǵyn ǵımarattar) syrtqy qabyrǵalarynyń materıalyn kórsetińiz» dep suraıdy. Men bul suraqqa 11 túrli jaýap nusqalary bar ekenin aıta keteıin. Bul el boıynsha, atap aıtqanda Almatyda turǵyn úı qorynyń jaı-kúıin keshendi taldaýǵa múmkindik beredi. Almaty úshin bul qalanyń Bas josparyn túzetý maqsatynda óte mańyzdy, óıtkeni biz qalalyqtardy turǵyn úımen qamtamasyz etýimiz kerek», - deıdi Almashan Ahmedjanov.

Spıkerdiń sózinshe, jaýaptardyń kómegimen ekonomıka men áleýmettik saladaǵy problemalardy anyqtap, josparlaýdy jaqsartýǵa bolady.

«Keıbir suraqtar ınfraqurylymnyń damý deńgeıin anyqtaýǵa baǵyttalǵan – balabaqsha, mektep, medıtsınalyq mekemeler men basqa da áleýmettik nysandardyń bolýy. Bul suraqtar naqty sanaq kezinde eldiń demografııalyq kórinisin kórsetýge kómektesedi», - dep esepteıdi ol.

Halyqaralyq uıymdar usynǵan suraqtardyń arasynda azamattardyń densaýlyǵyna qatystylary da bar.

«Mysaly, kórý, estý, júrý jáne este saqtaýǵa qatysty naqtylaý suraqtary engizilgen. Bul qala qurylysy men sáýletshiler úshin de mańyzdy. Múmkindigi shekteýli adamdar tıisti ınfraqurylymmen tolyq qamtamasyz etilýi tıis», - deıdi spıker.

Sanaq ekonomıkany damytýǵa múmkindik beredi, sebebi memleket halyq týraly naqty statıstıkalyq aqparatqa ıe bolýy kerek.

«Jumys týraly jaýaptar ár túrli aımaqtardaǵy eńbek naryǵyn zertteýge kómektesedi. Óte mańyzdy másele – «Siz turaqty turǵylyqty jerińizden jumysqa deıin qansha ýaqytta jetesiz?». Tań qalarlyǵy, dál osy suraq syn týdyrdy. Biraq bul óte mańyzdy aspekt. Adamdardyń jumys izdeýge qaıda jáne qalaı kóshetini týraly aqparat jumys oryndarynyń jetispeıtinin túsinýge kómektesedi. Demek, bul aýmaqta jańa kásiporyndar salý, qyzmet kórsetý salasyn damytý qajet», - deıdi basqarma basshysy.


Avtor Alma Muqanova
Basty sózder: Almaty, Halyq sanaǵy, Qurylys,
Joǵary qaraı