Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Halyqaralyq pándik olımpıada jeńimpazdaryna qansha syıaqy beriledi – Bilim mınıstri

2021 jyldyń 1 qyrkúıek 2021 19:18

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov halyqaralyq pándik olımpıadalar jeńimpazdaryna qansha syıaqy beriletinin túsindirdi, dep habarlaıdy QazAqparat.

«Memleket basshysy áleýmettik osal toptaǵy balalardy qoldaýǵa erekshe kóńil bóldi. Olarǵa «Tsıfrlyq tálimger» jobasy aıasynda qosymsha sabaqtar alý múmkindigi beriledi. Qashyqtan oqytýǵa qaramastan, bizdiń oqýshylarymyz álemdik shyńdardy baǵyndyryp, Halyqaralyq olımpıadalarda ótken jyldardaǵy rekordtaryn jańartty.

Daryndy balalardy qoldaý úshin Prezıdenttiń tapsyrmasyna sáıkes konkýrsqa qatyspaı-aq granttar berý, sondaı-aq birjolǵy aqshalaı syıaqylar kózdeletin bolady: altyn medal úshin keminde 1500 AEK, kúmis medal – 1000 AEK, qola medal – 500 AEK usynylady. Sonymen birge halyqaralyq olımpıadalardyń júldegerlerin daıyndaǵan pedagogterdi qoldaý sharalary kózdeledi», - dep jazdy mınıstr Facebook jelisinde.

Al «Jas talap» jobasyna sáıkes, suranysqa ıe mamandyqtar boıynsha jastarǵa tehnıkalyq jáne kásiptik bilim alý úshin kolledjderde tegin oqytý múmkindigi keńeıtiledi.

«Prezıdent tolyq jınaqtalǵan aýyl mektepterin jan basyna shaqqandaǵy qarjylandyrýǵa kezeń-kezeńmen kóshirý jóninde shara qabyldaýdy tapsyrdy. Esterińizge sala keteıin, 2020 jyldan bastap barlyq qalalyq mektep jan basyna qarjylandyrýǵa kóshti. Bul shara túrli óńirlerde qarjylandyrýdy teńestirý, materıaldyq-tehnıkalyq bazany jaqsartý, alym-salyqtarmen baılanysty táýekelderdi edáýir tómendetý, mektepterdiń qarjylyq derbestigin arttyrý jáne bıýdjet qarajatyn jumsaý tıimdiligin jaqsartýǵa múmkindik berdi. Bul bastama bilim berý jáne jekemenshik mektepter ashýǵa jeke ınvestıtsııalardy tartýdy yntalandyrdy», - dep jazdy A. Aımaǵambetov.

Aıta keteıik, Memleket basshysy Qasym-Jomart Toqaev Qazaqstan halqyna Joldaýynda halyqaralyq pándik olımpıadalarda jeńimpaz jáne júldeger bolǵan oqýshylarǵa birrettik aqshalaı syıaqy berýdi tapsyrdy.

«Osy jyly birneshe qazaqstandyq oqýshy halyqaralyq pándik olımpıadalarda jeńimpaz jáne júldeger boldy. Mundaı talantty balalarda barynsha qoldaý qajet. Biz olarǵa joǵary oqý oryndaryna konkýrstan tys túsýi úshin granttar usynyp, birrettik aqshalaı syıaqy tóleıtin bolamyz. Balalardy tártbıelegen pedagogtardy da moraldik jáne materıaldyq turǵyda kótermeleý qajet», - dedi Qazaqstan Prezıdenti.



Joǵary qaraı