Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Halyqaralyq reıspen kelgen 245 jolaýshy karantınge jatqyzyldy

2020 jyldyń 18 qazan 2020 11:15

NUR-SULTAN. QazAqparat - Halyqaralyq áýe reıstermen kelgen Qazaqstan azamattarynyń 87 paıyzynda PTR anyqtama boldy. Bul týraly kóliktegi bas memlekettik sanıtar dáriger Sadýaqas Baıǵabylov aıtty, dep habarlaıdy QazAqparat tilshisi.

Bas sanıtar dárigerdiń dereginshe, 18 qazan túni 14 halyqaralyq áýe reısimen 1 969 jolaýshy elimizge keldi. Jolaýshylardyń 1724-inde PTR anyqtamasy boldy. Al 245-inde anyqtama bolmady.

Atap aıtqanda, Nur-Sultan qalasyna 6 reıspen kelgen 852 jolaýshynyń 717-si anyqtamamen, 135-i anyqtamasyz kelgen. Almatyǵa 7 reıspen 981 jolaýshy jetti.

Onyń ishinde 885 jolaýshyda PTR anyqtama boldy. Al anyqtamasyz jolaýshylar sany - 96 adam.

Shymkentke 1 reıspen kelgen 136 jolaýshynyń 122-si anyqtamamen, al 14 anyqtamasyz kelgeni anyqtaldy.

«Qazaqstan azamattarynyń 87 paıyzy halyqaralyq áýe reısterimen PTR anyqtamamen keldi. COVID-19-ǵa arnalǵan PTR anyqtamasy joq Qazaqstannyń 245 azamaty Nur-Sultan, Almaty jáne Shymkent qalalarynda PTR testten ótý úshin eki kúndik karantınge ornalastyryldy», - dedi Sádýaqas Baıǵabylov QazAqparat tilshisine.


Joǵary qaraı