Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyqqa ıpoteka tólep, úı alýǵa múmkindik berý kerek – Ulttyq keńes múshesi

2021 jyldyń 16 qarasha 2021 20:10

NUR-SULTAN. QazAqparat – Halyqqa jumys istep, ıpoteka tólep, úı alýǵa múmkindik berý kerek. Bul týraly Ulttyq qoǵamdyq senim keńesiniń múshesi Ýaıs Ersaıynuly aıtty, dep habarlaıdy QazAqparat tilshisi.

«Áleýmettik turmysy tómen halyqty alańdatatyn másele – baspana. Qazaqstanda baspana kezeginde 500 myńnan astam adam tur. Buryn úı kezegine halyq jergilikti ákimdikter arqyly turatyn. 2019 jyldan bastap Halyqqa qyzmet kórsetý ortalyqtary arqyly kezekke tura bastady. Endi úı kezeginde 10 jyldan turǵan azamattar ózderin respýblıkalyq bazadan taba almaýda. Olardyń ishinde múmkindigi shekteýli azamattar da bar. Osynyń kesirinen kóptegen otbasy «Baqytty otbasy» baǵdarlamasymen ıpoteka ala almady», - dedi ol Ulttyq qoǵamdyq senim keńesiniń 6-otyrysynda.

Onyń atap ótýinshe, úı kezeginde turǵan azamattarǵa «Otbasy» banki 2 paıyzben «Baqyty otbasy» jáne 5 paıyzben «Shańyraq» baǵdarlamasy arqyly ıpoteka beredi.

«Bul tıimdi baǵdarlama. Basty sharty - úı kezeginde turýyń mindet. Alaıda, «Otbasy» banki respýblıkalyq bazada kezekte turǵandarǵa ǵana ıpoteka beredi. Osylaısha, jergilikti ákimdikter arqyly kezekte turǵandar arzan ıpotekamen úı alý múmkindiginen aıyryldy. Ol azamattardyń qolynda 10, 15 jyl kezekte turdy degen anyqtama bar. Mór basylǵan, basshylyq qoly qoıylǵan. Biraq, Indýstrııa mınıstrligi barlyq azamatty kezekke engizip úlgermesten «Baqytty otbasy» baǵdarlamasyn jarııalap jibergen. Indýstrııa mınıstrligi úı kezeginde turǵandardy rettep, júıeleýi tıis. Sebebi 2019 jyly úı alǵandardyń ózin bazadan bıyl ǵana shyǵarylǵan. ıAǵnı, 2 jyl boıy ıntegratsııa jasalmaǵan», - dedi keńes múshesi.

Ýaıs Ersaıynulynyń atap ótýinshe, úı kezegine halyq arendalyq baspana alý úshin ǵana emes, paıyzy arzan ıpoteka alý úshin de turady.

«Halyqqa ózderi jumys istep, ıpoteka tólep, úı alýǵa múmkindik berý kerek. Sondaı-aq úı kezegine jalǵyzbasty bolyp turatyn adamdarǵa shartty qaıta qaraý qajet. Úı kezeginde jalǵyzbasty bolyp turǵan ana turmysqa shyqsa, kezekten shyǵarylady. Úı kezeginen aıyrylmaý úshin olar ekinshi ret turmysqa shyqsa da nekesin zańdastyrmaıdy. Osylaısha, jalǵan neke qaptaýda», - dep tolyqtyrdy ol.


Joǵary qaraı