Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

HQO-lar qyzmet kórsetý ýaqytyn qysqartty

2021 jyldyń 29 shilde 2021 11:47

NUR-SULTAN. QazAqparat - QR Bas sanıtar dárigeriniń qaýlysyna sáıkes elimizdiń halyqqa qyzmet kórsetý ortalyqtary azamattardy tek aldyn ala bron boıynsha qabyldaıdy.

Bul týraly QazAqparat «Azamattarǵa arnalǵan úkimet» memlekettik koroporatsııasy KEAQ-tyń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, HQO-lardyń jumys kestesi de qysqartylǵan, front-ofıster memlekettik qyzmetterdi tańǵy 9-dan keshki 6-ǵa deıin usynatyn bolady. Elimizdiń barlyq oblysynda HQO-lar bes kúndik jumys kestesine ótti, senbi jáne jeksenbi kúnderi jumys istemeıdi.

Osy sharalarǵa baılanysty HQO-lardyń bir kúnde qabyldaýy múmkin azamattardyń sany shektelip otyr. Halyqtyń kópshiligin qamtý jáne brondaý múmkindigin qoljetimdi etý maqsatynda «Azamattarǵa arnalǵan úkimet» memlekettik korporatsııasy front-ofısterde qyzmet kórsetý ýaqytyn 20 mınýttan 15 mınýtqa deıin qysqartý týraly sheshim qabyldady.

Bul brondaýǵa bolatyn slottardyń sanyn 25%-ǵa arttyrdy. Naqty aıtqanda, bir qyzmetker bir saǵat ishinde 4 klıentke qyzmet kórsete alatyn boldy. Eski brondaý júıesi kezinde saǵatyna úsh ýaqyt sloty qoljetimdi edi, qazir tórtke jetti.

«Jańa júıe engizilgennen keıin eski ýaqyt slottary boıynsha kezekke tapsyrys bergen klıentter men jańa slot boıynsha tapsyrys bergenderdiń ýaqyty qatar kelýi múmkin. Biz muny aldyn ala boljap otyrmyz, mundaı máseleler bólimde birden rettelip otyrady. Bul jaǵdaıdy turaqtandyrý úshin birneshe kún qajet, óıtkeni brondaý protsesi jańa ýaqyt slottary boıynsha júrgiziledi. Birneshe kúnniń ishinde júıe óz qalpyna kelip, HQO-lar barsha halyqty qabyldaı alady jáne memlekettik qyzmetti alý protsesi yńǵaılanady» - dedi «Azamattarǵa arnalǵan úkimet» memlekettik korporatsııasynyń Qoǵammen baılanys jónindegi basqarýshy dırektory Baıram Azızov.

Azamattardy HQO-ǵa barǵan kezde sanıtarlyq-profılaktıkalyq normalardy saqtaýdy, betperde taǵýdy jáne áleýmettik qashyqtyqty saqtaýdy suraımyz. Ǵımaratqa kirý «Ashyq» qosymshasy boıynsha júzege asyrylady.

HQO-ǵa kezekti eGov portaly, 1414 Biryńǵaı baılanys ortalyǵy jáne @kenes1414bot telegram-bot arqyly brondaýǵa bolady.


Basty sózder: Qoǵam, QR Úkimeti,
Joǵary qaraı