Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

HQO-larda jeke kýálik úshin tólemdi QR-kod arqyly jasaýǵa bolady

2021 jyldyń 28 qyrkúıek 2021 21:39

ÓSKEMEN. QazAqparat – Shyǵys Qazaqstan oblysyndaǵy halyqqa qyzmet kórsetý ortalyqtarynda tólqujat pen jeke kýálik úshin tólemdi QR-kod arqyly jasaýǵa bolady, dep habarlaıdy QazAqparat tilshisi.

«Azamattarǵa arnalǵan úkimet» ShQO boıynsha fılıaly baspasóz qyzmetiniń málimetine súıensek, HQO-larda tólqujat pen jeke kýálikti resimdegen klıentter memlekettik bajdy QR kod arqyly tóleı alady. Azamattarǵa arnalǵan úkimet QR Іshki ister mınıstrligimen birlesip osyndaı jańashyldyqty engizip otyr.

«Klıent tólqujat pen jeke kýálikti resimdeýge ótinishter qabyldaıtyn kóshi-qon qyzmeti operatoryna júgingen sátte, kassaǵa barmaı-aq birden Homebank nemese Kaspi bank qosymshalarynyń QR tólem jasaý júıesi arqyly baj alymyn tóleı alady. Sanaýly sekýnd ishinde tóleý – árbir ekinshi qazaqstandyqqa qoljetimdi tsıfrlyq múmkindik. Budan buryn QR kodpen jer ýchaskelerine aktilerdi daıyndaý jáne berý, jyljymaıtyn múlikke quqyqtardy tirkeý, kondomınıým obektileri boıynsha qyzmetterdi jáne jer qatynastary salasyndaǵy basqa da memlekettik qyzmetterdi tóleýge bolatyn. Endi kassaǵa kezekke turmaı-aq qujattandyrý qyzmetiniń alymdaryn da tóleý múmkindigi bar», – dedi fılıal dırektory Azamat Esembýlov.

Onyń aıtýynsha, osy jyldyń segiz aıynyń ishinde shyǵysqazaqstandyqtarǵa pasporttar men jeke kýálikter berý boıynsha 105 myń memlekettik qyzmet kórsetilgen. Jeke kýálik úshin memlekettik baj mólsheri – 584 teńge, al pasport úshin – 23 336 teńgeni quraıdy.


Joǵary qaraı