Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

HQO ókilderi almatylyqtardy óz qyzmetterin usynatyn deldaldarǵa senbeýge shaqyrdy

2020 jyldyń 6 tamyz 2020 11:28

ALMATY. QazAqparat – «Azamattarǵa arnalǵan úkimet» memlekettik korporatsııasy Almaty qalasy fılıaly Mamandandyrylǵan HQO aýmaǵyndaǵy zańsyz áreketterdiń jolyn kesý úshin quqyq qorǵaý organdarymen birlesip aldyn alý sharalaryn júrgizdi, dep habarlaıdy QazAqparat tilshisi.

Іs-sharaǵa «Azamattarǵa arnalǵan úkimet» memlekettik korporatsııasy Almaty qalasy fılıalynyń basshylyǵy, qaýipsizdik jónindegi ókil, polıtsııa qyzmetkerleri jáne Jedel áreket etetin arnaıy jasaq sarbazdary qatysty.

Sharany uıymdastyrýshylar avtokólik ıelerin mamandandyrylǵan halyqqa qyzmet kórsetý ortalyqtarynyń aýmaǵynda óz qyzmetterin usynatyn deldaldarǵa senbeýge shaqyrdy.

«Azamattarǵa arnalǵan úkimet» memlekettik korporatsııasynyń Almaty qalasyndaǵy fılıaly quqyqbuzýshylyqty boldyrmaý maqsatynda quqyq qorǵaý organdarynyń qatysýymen júıeli túrde osyndaı is-sharalar ótkizip turady. Anyqtalǵan quqyqbuzýshylyq faktileri bolyp jatsa, fılıaldyń qaýipsizdik qyzmeti ishki tergeý júrgizip, kinálilerge tártiptik jaza qoldanylady. Búgin de kezekti ret HQO aýmaǵynda «deldaldardyń» zańsyz áreketterin boldyrmaýdyń aldyn alý sharalaryn júrgizdik. Sonymen qatar, karantın kezindegi saqtyq sharalaryn, áleýmettik qashyqtyqty saqtaý jáne betperde kııý qajettiligi jaıly túsindirdik», - deıdi fılıal dırektory Danııar Qyryqbaev.





Avtor Alma Muqanova
Basty sózder: Almaty, Qoǵam,
Joǵary qaraı