Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barys» elordada «Sıbırge» ese jiberdi

2021 jyldyń 21 aqpan 2021 19:42

NUR-SULTAN. QazAqparat - Qurlyqtyq hokkeı lıgasy aıasynda «Barys» búgin, 21 aqpanda elordada Reseıdiń «Sıbır» (Novosibir) komandasymen kezdesti, dep habarlaıdy QazAqparat tilshisi.

Eki komanda buǵan deıin bıylǵy týrnırde úsh márte kezdesti. Onyń ekeýinde «Sıbır» klýbynyń mereıi ústem boldy.

Taǵy bir aıta keterligi, komandalar buǵan deıin 40 márte sheberlik baıqasty. Onyń on toǵyzynda «Barys» basymdyq tanytsa, qalǵanynda «Sıbırdiń» mereıi ústem boldy.

Búgingi kezdesýdiń birinshi kezeńinde eki klýb ta bir-biriniń qaqpasynan sańylaý taba alǵan joq. Ekinshi kezeńde reseılik hokkeıshiler belsendilik tanytyp, «Barys» qaqpasyna qatarynan úsh shaıba soǵyp ketti. Aldymen Vladıslav Ýshenın 23, 30 mınýttarda mergendik tanytsa, Dmıtrıı Saıýstov 32-mınýtta esepti ústemeleı tústi. Budan keıin «Barys» qaqpashysy Henrık Karlsson óziniń ornyn áriptesi Denıs Karataevqa bosatyp berdi.

«Sıbır» sapynan Oleg Lı 51, Danıl Romantsev 55-mınýttarda taǵy eki shaıbanyń avtory atandy. Oǵan «Barys» hokkeıshisi Nıkıta Mıhaılıs 55-mınýtta jalǵyz shaıbamen jaýap qaıyrdy. Osylaısha elordalyq klýb qarsylasyna 1:5 esebimen ese jiberdi.

Endi «Barys» úsh oıyndy syrt aıdynda ótkizedi. Aldymen 23 aqpanda «Ak Bars» (Reseı) komandasymen kezdesse, Qytaıdyń «Kýnlýn Red Star» (Qytaı) klýbymen 25, «Avangard» (Reseı) 27 aqpan kúnderi sheberlik baıqasady.

Esterińizge sala ketelik, budan buryn «Barys» Reseıdiń «Avtomobılıst» klýbynan basym tústi.



Avtor Ádiljan Úmbet
Basty sózder: Sport, Nur-Sultan,
Joǵary qaraı