Aýa raıy
Astana -8 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barys» máskeýlik «Spartakty» utty

2020 jyldyń 29 qarasha 2020 19:27

NUR-SULTAN. QazAqparat – «Barys» klýby Qurlyqtyq hokkeı lıgasynyń kezekti týrynda Máskeýdiń «Spartagyn» qabyldady, dep habarlaıdy QazAqparat tilshisi.

Osynyń aldynda qatarynan besinshi ret jeńilgen elordalyq komandanyń jaǵdaıy máz emes-ti.

Týrnır kestesinde 25 upaımen jalpy esepte 19-ynshy, al Shyǵys konferentsııasynda 10-orynda turǵan edi. Pleı-off dodasyna qatysýǵa múmkindik beretin úzdik segizdikke iligý bıyl «Barysqa» ońaıǵa túspeıtin túri bar.

Al 34 upaı jınaǵan «Spartak» jalpy esepte 12-inshi, Batys konferentsııasynda 6-satyda turǵan bolatyn.

«Spartakpen» oıynda birinshi kezeńde Kertıs Valk 13-mınýtta esep ashty. Ekinshi kezeńde de osy úshtik kózge túsip, K.Valk, Lınýs Vıdell qatysqan ádemi kombınatsııadan keıin ıAkob Lılıa esepti 2:0-ge jetkizdi.

Oıyn barysynda elordalyq hokkeıshiler jıirek tártip buzǵanymen, ony máskeýlikter paıdalana almady.

Úshinshi kezeńde 55-mınýtta qonaqtardan Iorı Lehterıanyń pasynan keıin Sergeı Shırokov esepti qysqartty.

Osylaısha «Barys» 2:1 esebimen jeńiske jetti.

Kelesi týrda ıÝrıı Mıhaılıstiń shákirtteri 1 jeltoqsan kúni óz aıdynynda «Sochı» klýbyn qabyldaıdy.

Eske sala keteıik, budan buryn «Barystyń» qatarynan besinshi ret jeńilgenin jazǵan bolatynbyz.

Foto/ hcbarys.kz



Avtor Eljan Eraly
Basty sózder: Sport,
Joǵary qaraı