Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Hokkeı: «Barys» oqý-jattyǵý jıynyn bastady

2020 jyldyń 5 tamyz 2020 22:11

NUR-SULTAN. QazAqparat - Elordalyq «Barys» oqý-jattyǵý jıynyn bastady, dep habarlaıdy QazAqparat tilshisi klýbtyń baspasóz qyzmetine silteme jasap.

Málim bolǵanyndaı, «Barys» hokkeıshileri aldymen koronavırýs ınfektsııasyna baılanysty synama tapsyrdy. Odan keıin «Barys-arenada» bıylǵy maýsymdaǵy alǵashqy komandalyq jıyn ótkizildi.

Esterińizge sala ketelik, bıyl bas bapker qyzmetine qazaqstandyq maman ıÝrıı Mıhaılıs keldi. Oǵan Georgıı Vereagın, Aleksandr Shımın, Andreı Shaıanov jáne Aleksandr Ahtsıger kómekshilik jasaıdy. Al bapkerler quramynda Sergeı Tambýlov vıdeo-sarapshy qyzmetin atqarady.

Esterińizge sala ketelik, tamyz aıynyń ortasynda Qurlyqtyq hokkeı lıgasy klýbtarynyń óz oıynshylaryn tirkeý merzimi bastalady. QHL turaqty chempıonaty 2 qyrkúıekte jalaýyn kóteredi. «Barys» 2008 jyldan beri atalǵan jarysqa qatysyp keledi. Oǵan aldaǵy maýsymda qatysa ma? Buǵan baılanysty komanda basshylyǵy ázirge naqty jaýap bergen joq.

«Barys» oqý-jattyǵý jıynyn shilde aıynyń sońǵy onkúndiginde bastaýdy josparlaǵan bolatyn. Degenmen elimizde karantın sharalarynyń kúsheıtilýine baılanysty ol belgisiz merzimge keıinge shegerildi. Sondaı-aq, 7-11 tamyz kúnderi elordada uıymdastyrylýy josparlanǵan Prezıdent kýbogy bıyl ótpeıtin boldy.


Avtor Ádiljan Úmbet
Basty sózder: Sport,
Joǵary qaraı