Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barys» overtaımda «Ak Barstan» jeńildi

2021 jyldyń 23 aqpan 2021 19:59

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 23 aqpanda elordada Reseıdiń «Ak Bars» (Qazan) komandasymen kezdesti, dep habarlaıdy QazAqparat tilshisi.

Eki komanda buǵan deıin 40 márte sheberlik baıqasty. Onyń on segizinde «Barys» basymdyq tanytsa, qalǵanynda «Ak Barstyń» mereıi ústem boldy. Elordalyq klýb olardyń qaqpasyna 75 shaıba soqsa, óz qaqpasyna 137 gol jiberip aldy.

Aıta keterligi, eki komanda arasyndaǵy sońǵy tórt oıynda reseılik klýbtyń úsh márte mereıi ústem boldy.

Sondyqtan búgingi oıyn tartysty ótti. Elordalyq komanda sapynan Kertıs Valk 19-mınýtta mergendigimen kózge tústi. Al 32-mınýtta Darren Dıts esepti ulǵaıtty.

Budan keıin «Ak Bars» sapynan Vıktor Tıhonov 34, Dmıtrıı ıÝdın 50-mınýtta gol soǵyp, tarazy basyn teńestirdi. Al 51-mınýtta Fıl Varone «Barysty» taǵy da alǵa shyǵarsa, oǵan reseılik hokkeıshi Kırıll Petrov bir shaıbamen jaýap qaıyrdy.

Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda «Ak Bars» sapynan Artem Galımov jeńis shaıbasyn soqty. Osylaısha elordalyq komanda qarsylasyna 3:4 esebimen jol berdi.

Endi «Barys» syrt aıdynda Qytaıdyń «Kýnlýn Red Star» komandasymen kezdesedi.

Esterińizge sala ketelik, «Barys» budan buryn elordada «Sıbırge» ese jiberdi.



Avtor Ádiljan Úmbet
Basty sózder: Qoǵam, Sport,
Joǵary qaraı