Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barys» «Vıtıaz» klýbynan basym tústi

2021 jyldyń 23 qańtar 2021 22:32

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 23 qańtarda cyrt aıdynda Reseıdiń «Vıtıaz» (Podolsk) komandasymen kezdesti, dep habarlaıdy QazAqparat tilshisi.

Eki komanda týrnır kestesinde qatarlas keledi. Sondyqtan oıyn tartysty bolatyny anyq edi. Kezdesý barysynda «Vıtıaz» komandasynyń belsendiligi aıqyn ańǵarylyp turdy.

Alǵashqy goldy reseılik hokkeıshi Aleksandr Semın 6-mınýtta soǵyp ketti. Odan keıin «Barys» hokkeıshisi Lınýs Vıdell 8-mınýtta tarazy basyn teńestirdi. Al 13-mınýtta Djastın Denfort «Vıtıaz» komandasyn qaıtadan alǵa shyǵardy.

Ekinshi kezeńde «Barys» sapynan Valerıı Orehov 24, Darren Dıts 25-mınýtta gol soǵyp ketti. Reseılik klýb hokkeıshisi Djastın Denfort 29-mınýtta qaıtadan tarazy basyn teńestirdi.

Oıynnyń 57-mınýtynda reseılik Zahar Bardakov «Vıtıaz» klýbyn alǵa shyǵarsa, 59-mınýtta elordalyq Nıkıta Mıhaılıs tarazy basyn teńestirdi. Negizgi kezeń 4:4 esebimen aıaqtalyp, oıyn overtaımǵa ulasty. Overtaımda «Barys» hokkeıshisi Djessı Bleker jeńis shaıbasyn soǵyp ketti. Osylaısha elordalyq klýb qarsylasyn 5:4 esebimen tize búktirdi.

Aıta keteıik, «Barys» búgingi qarsylasyn jeti oıyn qatarynan jeńip keledi. Sońǵy ret «Vıtıaz» qazaqstandyq klýbty 2016 jyldyń 2 jeltoqsanynda Podolskide overtaımda 4:2 esebimen tize búktirgen edi. Nátıjesinde «Barys» atalǵan qarsylasynan qatarynan segizinshi márte basym túsip otyr.

«Barys» endi 26 qańtarda elordada Reesıdiń «Traktor» (Chelıabınsk) komandasyn qabyldaıdy.

Esterińizge sala ketelik, «Barys» budan buryn Reseıdiń «Dınamo» (Máskeý) komandasynan basym tústi.

Avtor Ádiljan Úmbet
Basty sózder: Reseı, Sport,
Joǵary qaraı