Hokkeı: «Barystyń» búgingi oıynyn qaıdan kórýge bolady

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 23 qańtarda cyrt aıdynda Reseıdiń «Vıtıaz» (Podolsk) komandasymen kezdesedi, dep habarlaıdy QazAqparat tilshisi.

Oıyn astana ýaqytymen saǵat 20.00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bıylǵy týrnırde bir márte kezdesti. 2020 jyldyń 6 jeltoqsanynda elordada ótkende oıynda «Barys» býllıtten 3:2 esebimen basym tústi.

Aıta keteıik, «Barys» búgingi qarsylasyn jeti oıyn qatarynan jeńip keledi. Sońǵy ret «Vıtıaz» qazaqstandyq klýbty 2016 jyldyń 2 jeltoqsanynda Podolskide overtaımda 4:2 esebimen tize búktirgen edi.

«Barys» sońǵy 10 kezdesýdiń 8-inde basymdyq tanytty. Týrnır kestesinde 46 oıynnan keıin 55 upaımen 12-orynda keledi.

Al «Vıtıaz» sońǵy 10 oıynda 5 ret jeńildi. Týrnır kestesinde 48 oıynnan keıin 49 upaı jınap, 17-orynda tur.

Esterińizge sala ketelik, «Barys» budan buryn Reseıdiń «Dınamo» (Máskeý) komandasynan basym tústi.