Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barystyń» búgingi oıynyn qaıdan kórýge bolady

2021 jyldyń 25 aqpan 2021 09:03

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 25 aqpanda elordada Qytaıdyń «Kýnlýn Red Star» (Beıjiń) komandasymen kezdesedi, dep habarlaıdy QazAqparat tilshisi.

Oıyn astana ýaqytymen saǵat 22.00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bıylǵy týrnırde úsh márte kezdesti. 2020 jyldyń 10 qyrkúıeginde elordada ótken oıynda «Barys» qarsylasyn 3:2 esebimen cúrindirdi. Odan keıin 30 qazanda elordalyq klýb taǵy da 3:1 eseppen jeńip ketse, 19 jeltoqsanda syrt aıdynda qarsylasyn overtaımda 4:2 esebimen tize búktirdi.

Aıta keterligi, eki komanda arasyndaǵy sońǵy tórt oıynda da qazaqstandyq klýbtyń mereıi ústem boldy.

Eki komanda buǵan deıin 17 márte sheberlik baıqasty. Onyń 13-inde «Barys» basymdyq tanytsa, qalǵanynda «Kýnlýn Red Stardyń» mereıi ústem boldy. Elordalyq klýb olardyń qaqpasyna 46 shaıba soqsa, óz qaqpasyna 29 gol jiberip aldy.

«Barys» sońǵy 10 kezdesýdiń 4-ýinde basymdyq tanytty. Týrnır kestesinde 58 oıynnan keıin 67 upaımen 11-orynda keledi.

Al «Kýnlýn Red Star» sońǵy 10 oıynda 8 ret jeńildi. Týrnır kestesinde 58 oıynnan keıin 34 upaı jınap, 22-orynda tur.

Esterińizge sala ketelik, budan buryn «Barys» overtaımda «Ak Barstan» jeńildi.





Avtor Ádiljan Úmbet
Basty sózder: Sport,
Joǵary qaraı