Hokkeı: «Barystyń» búgingi oıynyn qaıdan kórýge bolady

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» 27 aqpanda Reseıde «Avangard» (Omby) komandasymen kezdesedi, dep habarlaıdy QazAqparat tilshisi.

Oıyn astana ýaqytymen saǵat 17.30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bıylǵy týrnırde úsh márte kezdesti. 2020 jyldyń 19 qarashasynda elordada ótken oıynda «Barys» qarsylasynan 2:5 esebimen jeńilip qaldy. Odan keıin 23 jeltoqsanda elordalyq klýb Reseıde atalǵan qarsylasyn 3:1 esebimen súrindirse, 2021 jyldyń 16 aqpanynda elordada overtaımda 3:2 esebimen tize búktirdi.

Aıta keterligi, eki komanda arasyndaǵy sońǵy tórt oıynnyń úsheýinde qazaqstandyq klýbtyń mereıi ústem boldy.

Eki komanda buǵan deıin 62 márte sheberlik baıqasty. Onyń 40-ynda «Barys» basymdyq tanytsa, qalǵanynda «Avangardtyń» mereıi ústem boldy. Elordalyq klýb olardyń qaqpasyna 190 shaıba soqsa, óz qaqpasyna 148 gol jiberip aldy.

«Barys» sońǵy 10 kezdesýdiń 4-ýinde basymdyq tanytty. Týrnır kestesinde 59 oıynnan keıin 69 upaımen 11-orynda keledi.

Al «Avangard» sońǵy 10 oıynda 3 ret jeńildi. Týrnır kestesinde 59 oıynnan keıin 82 upaı jınap, 4-orynda tur.

Aıta keteıik, bul - elordalyq klýbtyń qurlyqtyq hokkeı lıgasy turaqty kezeńindegi sońǵy týr oıyny. Budan keıin pleı-off kezeńindegi oıyndar bastalady.

Esterińizge sala ketelik, budan buryn Qytaıdyń «Kýnlýn Red Star» komandasynan basym tústi.