Aýa raıy
Astana 27 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Hokkeıden Prezıdent kýbogy bıyl ótkizilmeıdi

2020 jyldyń 14 shilde 2020 18:27

QYZYLORDA. QazAqparat - Elordada jyl saıyn uıymdastyrylatyn shaıbaly hokkeıden Qazaqstan Prezıdenti kýbogy bıyl ótkizilmeıdi. Bul jóninde «Barys» komandasy málim etti, dep habarlaıdy QazAqparat tilshisi.

Atalǵan týrnır 7-11 tamyz kúnderi ótýi tıis edi. Oǵan elordalyq «Barystan» ózge Ońtústik Koreıa quramasy, Reseıdiń «Sıbır» (Novosibir) jáne Belarýstyń «Dınamo» (Mınsk) komandalarynyń qatysýy josparlanǵan bolatyn.

El Úkimetiniń sheshimimen karantındik shekteý sharalary 2 tamyzǵa deıin uzartyldy. Osyǵan oraı «Barys» maýsym aldyndaǵy oqý-jattyǵý jıynyn 3 tamyzdan keıinge shegerý týraly uıǵarymǵa keldi. Al jylma-jyl uıymdastyrylyp júrgen Qazaqstan Prezıdenti kýbogyn ótkizilmeıtin boldy.

Esterińizge sala ketelik, atalǵan dúbirli doda 2010 jyldan beri turaqty túrde uıymdastyrylyp keledi. Týrnırde «Barys» 2010, 2011, 2013, 2015 jyldarda chempıon atandy. Sondaı-aq, Reseıdiń SKA (Sankt-Peterbýrg), «Avangard» (Omby), «Metallýrg» (Novokýznetsk), «Neftehımık» (Nıjnekamsk) jáne «Amýr» (Habarovsk) klýbtary ár jyldarda jeńimpaz tuǵyrynan kórindi.
Avtor Ádiljan Úmbet
Basty sózder: Sport,
Joǵary qaraı