Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Igor Son Olımpıada syıaqysyn naýqas inisin emdetýge jumsaıdy

2021 jyldyń 30 shilde 2021 20:30

NUR-SULTAN. QazAqparat – Qazaqstandyq ziltemirshi, Tokıo Olımpıadasynyń qola júlde ıegeri Igor Son jeńiske jetkeni úshin beriletin syıaqyny qaıda jumsaıtynyn aıtty, dep habarlaıdy QazAqparat tilshisi.

«Meniń kishi inim múgedek, oǵan BTsP (balalardyń tserebraldy paralıchi) dıagnozy qoıylǵan. Ata-anam inimmen birge emdelýge ketti, qazirgi sátte olar Koreıada. Meniń qazirgi bar oıym - inimdi aıaǵyna tik turǵyzý. Sodan artylǵan aqshaǵa ómir súretin bolamyn», - dedi Olımpıada jeńimpazy I. Son OKQ-de onlaın ótken baspasóz máslıhatynda.

Buǵan deıin Qazaqstandyq aýyr atlet, Tokıodaǵy XXXII jazǵy Olımpıada oıyndarynyń qola júldegeri Igor Son jeńisten keıingi áserin bólisti.

«Daıyndyqty odan ári jalǵastyramyn. Endigi Olımpıadada altyn medal úshin talasqa túsemin degen oı bar», - degen edi ol.

Aıta keteıik, Tokıodaǵy Olımpıada oıyndarynda qazaqstandyq ziltemirshi Igor Son qola medal jeńip aldy.

Eske sala ketsek, buǵan deıin elimizdiń Mádenıet jáne sport mınıstri Aqtoty Raıymqulova Tokıodaǵy Olımpıada oıyndarynda jeńimpaz atanatyn sportshylardy qandaı syıaqy kútip turǵanyn aıtty.

Atap aıtqanda, birinshi orynǵa - sportshy men bapkerge 250 myń AQSh dollary beriledi, ekinshi orynǵa - 150 myń dollar jáne úshinshi oryn ıegerine - 75 myń dollar kólemde syıaqy beriledi.


Avtor Álı Ibraev
Basty sózder: Olımpıada, Sport,
Joǵary qaraı