Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

ІH Azamattyq forým qorytyndysy boıynsha 650-den astam usynys tústi

2020 jyldyń 27 qarasha 2020 12:36

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva IX Azamattyq forýmnyń erekshelikteri men jańashyldyqtaryn atady, dep habarlaıdy QazAqparat tilshisi.

«Apta basynan jalǵasqan ІH Azamattyq forýmnyń jumysy búgin óz máresine jetip otyr. Bıylǵy Azamattyq forým erekshe jaǵdaıda ótti. Degenmen de bul forým jumysyna degen qoǵamnyń qyzyǵýshylyǵyn azaıtqan joq. Kerisinshe, forým aıasynda ótkizilgen dıalog alańdary ınternet keńistiginde úlken aýdıtorııany qamtydy. Bir apta boıy tańerteńgi 7-den túngi 12-ge deıin ınternet platformalar jumys istedi. Osy sátti paıdalana otyryp aldymen elimizdegi úkimettik emes uıymdardyń ókilderin bir arnaǵa jıyp, forým jumysyn joǵary deńgeıde uıymdastyrǵan Qazaqstannyń Azamattyq alıansyna, forým jumysyna belsendi qatysqan barlyq qoǵamdyq uıymdarǵa, qajetti aqparatty der kezinde taratqan BAQ-qa zor rızashylyǵymdy bildirgim keledi», - dedi Aıda Balaeva «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda.

Osy oraıda ol onlaın format bul forýmnyń jalǵyz ereksheligi emes ekendigin, onyń mazmundyq jáne uıymdastyrýshylyq jaǵyna qatysty birqatar jańashyldyq engizilgenin aıtty.

«Birinshiden, bul forýmǵa óńirlik ÚEU-ler keńinen qatysýǵa múmkindik aldy. Kásibı ÚEU-lar tek iri qalalarda ǵana emes, barlyq óńirde, onyń ishinde shalǵaı aýdandarda belsendiligin kórsetti. Ekinshiden, forýmdy uıymdastyrýǵa ÚEU-lardyń ózderi tikeleı qatysty. Máselen, bıyl barlyq suhbat alańdary, dóńgelek ústel, pikirtalastar men trenıngterdiń taqyrybyn da, mazmunyn da kásibı qoǵamdyq uıym jetekshileri qamtamasyz etti. Úshinshiden, ortalyq jáne jergilikti memlekettik organdardyń basshylary keńinen qatysyp qana qoımaı, naqty áriptestikke daıyn ekendigin shynaıy kórsete bildi», - dedi ol.

Mınıstr bul atqarylǵan isterdiń barlyǵy elimizde buǵan deıin turaqty ótkizilip kele jatqan Azamattyq forým alańdarynan bastaý alǵanyn basa aıtty.

«Onyń búgingi nátıjesi - qoǵamnyń nazarynda, esebi - halyqtyń kóz aldynda. Forým barsynda túrli deńgeıde 40-qa jýyq dıalog alańy uıymdastyryldy. Ortalyq memleketitk organdardyń birinshi basshylary deńgeıinde 12 kezdesý ótkizildi. Forým qorytyndysy boıynsha 650-den astam naqty usynystar tústi. Bul oraıda bıly ІH Azamattyq forým jumysy da jemisti boldy dep aıtýǵa negiz bar», - dedi Aıda Balaeva.


Joǵary qaraı