Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ІІM azamattardyń ótinishterin tekserý kezinde ashyqtyq pen naqty ustanymdy qamtamasyz etedi

2022 jyldyń 17 qańtar 2022 18:07

NUR-SULTAN. QazAqparat - ІІM azamattardyń ótinishterin tekserý kezinde ashyqtyq pen naqty ustanymdy qamtamasyz etedi, dep habarlaıdy Polisia.kz.

QR Prezıdenti jarııalaǵan «halyq únine qulaq asatyn memleket» tujyrymdamasy aıasynda ІІM-de azamattardyń, buqaralyq aqparat quraldary men qoǵamdyq uıymdar ókilderiniń habarlamalaryna ashyq jáne jedel den qoıýǵa múmkindik beretin kommýnıkatsııalyq resýrstar kesheni jumys isteıdi. Іshki ister mınıstrligi túrli aqparattyq resýrstarda ornalastyrylǵan ótinishterdiń, onyń ishinde polıtsııa qyzmetkerleriniń is-áreketterine shaǵymdardyń ashyqtyǵyn, jarııalylyǵyn jáne naqty ustanymdy qamtamasyz etedi. Máselen, 15 qańtarda Instagram áleýmettik jelisinde belsendilerdiń biriniń paraqshasynda Aqtóbe qalasynyń 30 jastaǵy turǵynyn ol jasamaǵan qylmysy úshin ustalǵany týraly jarııalandy. Aıta keter jaı, oqıǵa ornynan alynǵan beınejazbalarǵa qaraǵanda, 5 qańtardan bul azamat ІІO qyzmetkerleriniń ómirine qol suǵyp, qoǵamdyq tártipti saqtaýdy qamtamasyz etetin polıtsııa qyzmetkerine avtokólikpen qasaqana shabýyl jasady. Sonyń saldarynan ýchaskelik polıtsııa ınspektory birneshe aýyr jaraqatpen aýrýhanaǵa jetkizildi. QR QK 380-1-baby 2-bóligi (Quqyq qorǵaý organy qyzmetkeriniń ómirine qol suǵý) boıynsha sotqa deıingi tergeý aıasynda kúdikti sot sanktsııasymen qamaýǵa alyndy. 16 qańtarda profıldegi áleýmettik jelide «botina.kz» 4 qańtardan 5 qańtarǵa qaraǵan túni Almaty qalasynda beıbit mıtıng barysynda jergilikti turǵyn quqyq qorǵaý organdarynyń qyzmetkerlerine qoǵamdyq tártipti saqtaýǵa kómek kórsetkeni týraly ótinishi jarııalandy. Onyń aıtýynsha, sol jigit birneshe kúnnen keıin ol qamaýǵa alynǵan. Tekserý barysynda 22 jastaǵy er adamnyń QR QK 272-baby 2-bóligi (Jappaı tártipsizdik) boıynsha prokýratýra organdary júrgizip jatqan sotqa deıingi tergeý aıasynda ustalǵany jáne sottyń sanktsııasymen qamaýǵa alynǵany anyqtaldy. 16 qańtarda Telegram jelisinde Stepnogorsk qalasynan kelgen ekoaktıvıstke qatysty zańsyz áreketter týraly ótinish jarııalandy, týystarynyń habarlaýyna qaraǵanda ol zańsyz qylmystyq qýdalaýǵa ushyraǵan. Alaıda 4 qańtarda bul azamattyń Youtube arnasyndaǵy jeke paraqshasynda tikeleı efır barysynda qala turǵyndaryn zańsyz narazylyq bildirýge shaqyrǵany anyqtaldy. Atalǵan fakti boıynsha Stepnogorsk qalasynyń Polıtsııa basqarmasy QR QK 174-baby (Áleýmettik alaýyzdyqty qozdyrý) boıynsha sotqa deıingi tergeýdi bastady jáne sottyń sanktsııasymen onyń uıaly telefonynan aqparat alyndy, olar boıynsha tıisti saraptamalar taǵaıyndaldy. Qylmystyq quqyq buzýshylyq quramynyń bolýy nemese bolmaýy týraly sheshim osy saraptamalardyń nátıjeleri boıynsha qabyldanatyn bolady. – Aýmaqtyq ishki ister organdary árbir habarlamany tekseredi, alaıda, tájirıbe kórsetkendeı, polıtsııa qyzmetkerleriniń zańsyz áreketteri týraly áleýmettik jelilerde ornalastyrylǵan birqatar málimdemeler óz dálelin tappady. Sonymen qatar, polıtsııanyń baspasóz qyzmetteri daıyndaǵan naqty jaǵdaı týraly aqparatty jarııalanym avtorlary árdaıym kórsete bermeıdi. Sonyń saldarynan polıtsııaǵa qatysty suraqtar men jaǵymsyz pikirler paıda bolady. Al «BAQ týraly» Qazaqstan Respýblıkasy Zańynyń 2-1-babyna sáıkes buqaralyq aqparat quraldary qyzmetiniń negizgi qaǵıdattary basqalarmen qatar – obektıvtilik jáne anyqtyq bolyp tabylady. Al osy Zańnyń 21-babyna sáıkes materıaldardy jarııalaý kezinde jýrnalıst (avtor) taratylatyn aqparattyń anyqtyǵyn tıisti jeke jáne (nemese) zańdy tulǵalarǵa suraý salýlar jiberý arqyly ne zańnamada tyıym salynbaǵan ózge de tásildermen tekserý jóninde sharalar qoldanýǵa, ony tıisti memlekettik organǵa suraý salý jiberý arqyly tekserýge mindetti. Osyǵan baılanysty buqaralyq aqparat quraldarynyń, qoǵamdyq uıymdardyń ókilderin, áleýmettik jelilerdiń belsendi paıdalanýshylaryn polıtsııa qyzmetkerleriniń zańsyz áreketteri saldarynan zardap shekkender týraly materıaldardy jarııalamas buryn, aldymen olarǵa tıisti quqyq qorǵaý organdaryna habarlasýdy suraımyz. Nemese ornalastyrylatyn materıaldardyń obektıvtiligin qamtamasyz etý úshin keıinnen eki taraptyń aqparattaryn ornalastyrýmen ýákiletti organdarǵa óz betinshe suraý salý qajet. Polıtsııa qyzmetkerleriniń qyzmetine muqııat nazar aýdarǵany jáne túsingeni úshin jurtshylyqqa rızashylyǵymyzdy bildiremiz, – dep túsinikteme berdi ІІM Ózindik qaýipsizdik departamenti.


Joǵary qaraı