Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ilıa Ilın ziltemirshi Albert Lınderdiń qazasyna baılanysty pikir bildirdi

2021 jyldyń 18 qyrkúıek 2021 13:56

NUR-SULTAN. QazAqparat - Belgili aýyr atlet Ilıa Ilın qazaqstandyq ziltemirshi Albert Lınderdiń qaıtys bolýyna baılanysty onyń jaqyndaryna kóńil aıtty, dep habarlaıdy QazAqparat.

«Bul jaǵdaı - qazaqstandyq aýyr atletter otbasy úshin úlken tragedııa. Albert talantty, jigerli ári jaqsy jigit edi. Sporttyń osy túrinde ózin jaqsy jaǵynan kórsetti. Alaıda ol barlyǵyn tastap, sporttan ketti. Alberttiń psıhologııalyq soqqy alyp, kúrdeli jaǵdaıǵa dýshar bolǵanyn túsinemiz», - dedi Ilıa Ilın.

Osy oraıda ol sportshylar dene jaraqytynan bólek, psıhologııalyq turǵydan da zardap shegetinin atap ótti. Bul rette sport medıtsınasy qaýqarsyz bolyp tur.

Sporttaǵy mansabyn aıaqtaǵannan keıin adamdar óz problemalarymen jeke ózi qalyp jatady.

«Mansapty aıaqtaǵannan keıin ómirdi basqa qyrynan qaıtadan bastaýyń kerek bolady jáne bul jaǵdaıda kóbi úreıge boı aldyrady. Meniń oıymsha, biz sporttyq problemaǵa tap boldyq. Sondyqtan mansabyn aıaqtaǵan jigitterge de nazar aýdarsaq», - dedi chempıon.

Eske salsaq, qazaqstandyq ziltemirshi Albert Lınder 26 jasqa qaraǵan shaǵynda qaıtys boldy.

Ol jasóspirimder arasyndaǵy álem chempıony, ýnıversıada jeńimpazy jáne rekord jasaǵan, Qazaqstannyń birneshe dúrkin chempıony atanǵan.

Almaty oblysy polıtsııa departamenti atlettiń qaıtys bolýy faktisi boıynsha Qylmystyq kodekstiń 105 babymen (ózin-ózi óltirýge deıin jetkizý) sotqa deıingi tergeýdi bastaǵanyn habarlady.


Avtor Rýslan Ǵabbasov
Basty sózder: Sport, Oqıǵa,
Joǵary qaraı