Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іle-Alataý ulttyq parkinde 5 gektarǵa jaıylǵan orman órtin tikushaqpen sóndirip jatyr

2021 jyldyń 28 qyrkúıek 2021 18:45

ALMATY OBLYSY. QazAqparat - Іle-Alataý ulttyq parkiniń Aqsaı fılıaly Qaskeleń ormanshylyǵy aýmaǵynda orman órti tutandy, dep habarlaıdy QazAqparat.

26 qyrkúıek 13.30 shamasynda «Qazavıaormanqorǵaý» RMQK baqylaýshy ushqyshy Qaskeleń ormanshylyǵy 12 oramynyń 6 teliminde orman órtin anyqtady.

Qazirgi ýaqytta órt sóndirý jumysyna:

- Ulttyq parkten: 60 adam, 10 tehnıka, 1 arnaıy órt sóndirý mashınasy, 4 atty adam jáne 3 mototsıkl;

- «Qazavıaormanqorǵaý» RMQK sýaǵar qurylǵysy bar MI-8 tikushaǵy;

- Almaty oblysynyń TJD-dan 25 adam, TJM №28237 azamattyq qorǵanys bóliminen 50 adam (polk), 9 tehnıka, onyń ishinde 1 órt sóndirý mashınasy jumyldyryldy.

Qazirgi ýaqytta órttiń aldyn ala aýmaǵy - 5 gektar dep boljanyp otyr. Onyń ishinde 2 ga ormanmen kómkerilgen.

28 qyrkúıekte MI-8 tikushaǵy 4 ret sý shashty.

Sondaı-aq, P1-00 syrtqy aspaly qondyrǵysynan statsıonarlyq ydysy bar sý jetkizildi.

Orman órti or qazý jáne arnaıy qurylǵymen sóndirilip jatyr.

Orman órtiniń túri tómengi, turaqty, ortasha. Qazirgi ýaqytta janý oshaǵy joq.









Joǵary qaraı