Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Ilon Mask áýe kemesi ekinshi ret ushyrylmaq - tikeleı translıatsııa bolady

2020 jyldyń 30 mamyr 2020 21:57

NUR-SULTAN. QazAqparat - Aýa raıynyń qolaısyzdyǵyna baılanysty 27 mamyr kúni ushýy keıinge qaldyrylǵan Space X jekemenshik kompanııasynyń Falcon 9 zymyran tasymaldaǵyshy 2020 jyldyń 30 mamyrynda áýege kóterilmek. AQSh-tyń Florıda shtatyndaǵy Kennedı atyndaǵy ǵarysh ortalyǵynyń LC-39A ushyrý alańyndaǵy tarıhı sát Nur-Sultan ýaqytymen 31 mamyr kúngi saǵat 01-22 mınýtta bolmaq, dep habarlaıdy QazAqparat tilshisi.

Ilon Masktiń jańa kemesimen Halyqaralyq ǵarysh stansasyna NASA astronavtary - 49 jastaǵy Robert Benken men 53 jastaǵy Dýglas Herlı attanbaq. Crew Dragon kemesiniń Halyqaralyq ǵarysh stansasymen túıisýi 31 mamyrǵa josparlanǵan.


Space X kompanııasynyń aqparatyna qaraǵanda, keme áýege kóterilýge 4 saǵat qalǵanda, Nur-Sultan ýaqytymen saǵat 21-22-de kompanııanyń resmı saıtynda tikeleı kórsetilim bastalady.

Florıda bıligi koronavırýs indetine baılanysty Kennedı Ǵarysh ortalyǵyna baratyn joldardyń barlyǵyn jaýyp tastaǵan. Al NASA ǵarysh aılaǵy mańyndaǵy baqylaý alańdaryn jaýyp otyr.

NASA basshysy Djım Braıdenstaınniń ǵarysh kemesin ushyrý sátin úıde otyryp-aq onlaın rejımde tamashalaýǵa bolatyndyǵyn málimdeýine qaramastan qazirdiń ózinde 150 myńnan astam adam Florıdanyń taqaý saıajaılaryna kelip alǵan.


Avtory: Sara Qabıqyzy
Perevod Marlan Jıembaı
Basty sózder: Álem, Ǵarysh,
Joǵary qaraı