Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Ilon Masktiń kemesi ǵaryshtan Jerge oraldy

2020 jyldyń 3 tamyz 2020 01:18

NUR-SULTAN. QazAqparat – Ilon Masktiń Crew Dragon atty ǵarysh kemesi astronavtarmen birge Meksıka shyǵanaǵyna kelip qondy, dep habarlaıdy QazAqparat.

Álem kosmonavtıkasyndaǵy tarıhı oqıǵany mıllıondaǵan adam onlaın rejımde baqylap otyrdy. Crew Dragon kemesiniń 2 tamyz saǵat 05:34 kezindegi halyqaralyq ǵarysh stansasynan ajyrap, Jerge oralý sátiniń tikeleı translıatsııasy NASA men Ilon Mask kompanııasynyń resmı saıtynda kórsetildi.

Aıta keteıik, biz buǵan deıin Crew Dragon kemesiniń búgin jerge oralatynyn habarlaǵan bolatynbyz. Onyń bortynda NASA ǵaryshkerleri Daglas Herlı men Robert Benken bar.




Crew Dragon kemesiniń halyqaralyq ǵarysh stansasynan jerge deıingi sapary 19 saǵatqa sozyldy. Búgin aldyn ala belgilengen merzim - Nur-Sultan ýaqytymen saǵat 00:48 kezinde keme sý betine kelip qondy.

Reportaj komentatorlarynyń aıtýynsha, ǵaryshkerlerdi SpaceX Go Navigator kemesi men qutqarýshy katerler kútip aldy. Olar qutqarýshy kemeniń bortyna mingen soń medıtsınalyq tekserýden ótedi. Arada 4 saǵat ótkennen keıin astronavtar Florıdaǵa jetkiziledi.

Al Ilon Masktiń Crew Dragon kemesi birneshe aıdan keıin qaıtadan ǵaryshqa ushýǵa daıyn bolady.

Eske sala keteıik, 31 mamyrda Crew Dragon ǵarysh kemesiniń ushqany habarlanǵan bolatyn. Ol - sońǵy toǵyz jylda AQSh-ta shyǵarylǵan jáne onyń aýmaǵynan ushyrylǵan alǵashqy ǵarysh kemesi boldy.

Amerıkalyq astronavtar Daglas Herlı men Robert Benken 31 mamyrdan beri eki aı boıy halyqaralyq ǵarysh stansasy ekıpajynyń quramynda jumys istedi jáne ondaǵy mıssııasyn aıaqtady.



Avtor Janat Qapalbaeva
Basty sózder: Álem, Ǵylym, Ǵarysh,
Joǵary qaraı