Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Indýstrııa mınıstri: Óńdeý ónerkásibinde 100 myńnan astam jumys orny ashylady

2021 jyldyń 30 qarasha 2021 10:01

NUR-SULTAN. QazAqparat – 2025 jylǵa deıin13,3 trln teńgeden astam somaǵa óńdeý ónerkásibiniń 490 jobasy iske qosylady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Mınıstrlik 2025 jylǵa deıin 13,3 trln teńgeden astam somaǵa óńdeý ónerkásibiniń 490 jobasyn iske qosyp, 102,5 myń turaqty jumys ornyn ashýdy josparlap otyr. Jobalardyń eń kóbi: qurylys ındýstrııasynda – 198, taý-ken metallýrgııa kesheninde – 119, mashına jasaýda – 72», - dedi B. Atamqulov.

Osy oraıda ol sektorlar boıynsha iri jobalarǵa toqtalyp ótti. Taý-ken metallýrgııa kesheninde Qaraǵandy jáne Pavlodar oblystarynda («QazFerroAlloys» jaýapkershiligi shekteýli seriktestigi jáne «Ekibastuz FerroAlloys» jaýapkershiligi shekteýli seriktestigi) jalpy ınvestıtsııa kólemi 166 mıllıard teńgeden asatyn ferroqorytpa jáne jartylaı koks óndirisi boıynsha jobalardy iske asyryp, 3 800 jumys ornyn ashý josparlanýda.

Aqmola oblysynda ınvestıtsııa kólemi 105 mıllıard teńge bolatyn «RG Gold» jaýapkershiligi shekteýli seriktestiginiń altyn óndirý fabrıkasy iske asyrylýda. Eń joǵarǵy óńdeý qýaty jylyna 5 mıllıon tonna kendi quraıdy (2022 jyly paıdalanýǵa beriledi).

«Hımııa ónerkásibinde birqatar negizgi jobalardy atap ótsem. Birinshiden, Jambyl oblysynda kaltsıılengen soda óndirý jobasyn «Qazaq Soda» jaýapkershiligi shekteýli seriktestigi Yildirim Holding-pen birlesip iske asyrady. Tolyq qýatyna shyqqanda jylyna 500 myń tonna ónim shyǵarylady. Bul ishki naryqtyń qajettiligin tolyǵymen ótep, eksportqa shyǵarýǵa múmkindik beredi (2023 jyly paıdalanýǵa beriledi). Ekinshiden, qýaty jylyna 1 mıllıon tonna mıneraldyq tyńaıtqyshtar men ındýstrııalyq ónimder shyǵaratyn joba («Evrohım-Qarataý» jaýapkershiligi shekteýli seriktestigi, 432 mıllıard teńge, 2 000 jumys orny). Bul óndiris azyq-túlik qaýipsizdigin arttyryp, eldiń eksporttyq áleýetin (Qytaı, Ortalyq jáne Ońtústik-Shyǵys Azııa, Taıaý Shyǵys) ulǵaıtady», - dedi mınıstr.

Onyń sózine qaraǵanda, mashına jasaý salasy Qazaqstan-Reseı yntymaqtastyǵy aıasynda sátti damyp keledi. Qostanaı jáne Qaraǵandy oblystarynda eksportqa baǵdarlanǵan 3 joba iske asyrylýda. Al Pavlodar oblysynda qýaty jylyna 100 myń dana lokomotıv bandajdaryn jáne 50 myń dana soǵylǵan buıymdar shyǵaratyn usta-bandaj kesheni («Railcast Systems» jaýapkershiligi shekteýli seriktestigi) iske asyrylyp jatyr (2024 jyly paıdalanýǵa berý).

Qurylys ındýstrııasynda keramıkalyq plıtkalar óndiretin, qýaty jylyna 6 mıllıon sharshy metr bolatyn «Zerde-Keramıka» jaýapkershiligi shekteýli seriktestiginiń (2021 jyldyń sońyna deıin paıdalanýǵa beriledi) jáne qýaty jylyna 3 mıllıon sharshy metrge jetetin MabetexGroup zaýyttaryn iske qosý josparlanyp otyr (2023 jyly paıdalanýǵa beriledi).

«Farmatsevtıka salasynda Nur-Sultan qalasynda «Evrazııa Fınans Grýp» jaýapkershiligi shekteýli seriktestiginiń daıyn dárilik zattar (2024 jyly paıdalanýǵa beriledi), Almaty qalasynda «Viva Pharm» jaýapkershiligi shekteýli seriktestiginiń suıyq dárilik zattar óndirisi iske qosylady (2023 jyly paıdalanýǵa beriledi). Jeńil ónerkásipte – Shymkent qalasynda «Alıans» saýda-ónerkásip kompanııasynyń «Melanj» ıirý-toqý fabrıkasy (2022 jyly paıdalanýǵa beriledi) jáne «ıÝteks-KZ» ıirý fabrıkasy paıdalanýǵa beriledi (2023 jyly iske qosylady). Sondaı-aq «Álem-BT» jaýapkershiligi shekteýli seriktestiginiń shulyq-uıyq buıymdary óndirisi keńeıtilip, qýaty jylyna 2 mıllıon buıymǵa jetkiziledi (2023 jyly paıdalanýǵa beriledi)», - dedi B. Atamqulov.


Joǵary qaraı