Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Indýstrııalandyrý kartasy: Bıyl 112 joba iske qosylady

2021 jyldyń 16 aqpan 2021 10:27

NUR-SULTAN. QazAqparat – Qurylys materıaldary óndirisinde ósim boldy. Bul týraly Úkimet otyrysynda qańtar aıyndaǵy eldiń áleýmettik-ekonomıkalyq damýy taqyrybyn talqylaý kezinde QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«Qurylys materıaldary óndirisi 111,8 paıyz boldy. Oǵan portland-tsement, gıps, sılıkat jáne basqa da kirpishter, qurylys eritindileri óndirisiniń artýy esebinen qol jetkizildi», - dedi mınıstr.

Onyń aıtýynsha, bıyl óńdeý ónerkásibinde negizgi kapıtalǵa salynatyn ınvestıtsııa kólemi 1,2 trln teńge bolady dep josparlanǵan. Bul rette eńbek ónimdiligi 5,6 paıyzǵa ósýi tıis.

«Indýstrııalandyrý kartasy aıasynda bıyl jalpy somasy 1,93 trln teńgege 112 jobany iske qosý josparlanǵan. 13,4 myń jumys orny ashylady», - dedi B. Atamqulov.

Budan buryn habarlanǵandaı, B. Atamqulov 2021 jyldyń qańtar aıynda elimizdiń óńdeý ónerkásibinde oń úrdis saqtalǵanyn aıtty.

Tústi metallýrgııada da oń dınamıka baıqaldy. Ósim 106,6 paıyz boldy. Oǵan tazartylǵan altyn, tazartylǵan kúmis, quıma altyn, túıirshik kúmis, katodty mystyń jáne basqa da kórsetkishterdiń ósimi esebinen qol jetkizildi



Joǵary qaraı