Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Internet alaıaq akkaýnttardyń kóshirmesin jasap, dostarynan aqsha suraǵan

2021 jyldyń 26 qyrkúıek 2021 00:28

NUR-SULTAN. QazAqparat – Elordanyń polıtsııa qyzmetkerleri «VKontakte» áleýmettik jelisinde alaıaqtyq jasaý kúdigimen Qaraǵandy qalasynyń 27 jastaǵy turǵynyn ustady, dep habarlaıdy QazAqparat tilshisi.

Vedomstvo málimetinshe, buǵan deıin elordalyq polıtsııaǵa júginip, «VKontakte» áleýmettik jelisinde belgisiz adamnyń aldaý ári senimine kirý arqyly 15 myń teńgesiniń alyp qoıǵanyna shaǵymdanǵan. Qazirgi ýaqytta alaıaqtyń áleýmettik jeli paıdalanýshynyń paraqshasyn dálme-dál kóshirip alyp, dostarynan elektrondy tólem arqyly shuǵyl aqsha aýdarýlaryn ótingen. Kúdikti ózge bireýdiń atynan onyń dostaryna qıyn jaǵdaıǵa tap bolǵanyn aıtyp, 5 myńnan 15 myń teńgege deıin qaryz aqsha alǵan.

«Azamattardyń kópshiligi qaqpanǵa túsip qalyp, alaıaqtyń qurbanyna aınalǵan. Búginde alaıaqtyq faktisi boıynsha 20-dan astam adam elordalyq polıtsııaǵa júgindi. Keltirilgen shyǵynnyń naqty kólemi anyqtalyp jatyr. Polıtsııa qyzmetkerleriniń jedel izdestirý is-sharalary barysynda Qaraǵandy qalasynda 27 jastaǵy er adam alaıaqtyq jasaý kúdigimen ustaldy. Ol jasaǵan qylmysyn moıyndap otyr. Qazirgi ýaqytta kúdiktige qatysty «alaıaqtyq» babymen qylmystyq is qozǵalǵan», - dep atap ótedi departamentten.


Avtor Marlan Jıembaı
Basty sózder: Qylmyspen kúres, Nur-Sultan,
Joǵary qaraı