Aýa raıy
Astana 17 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

Internet alaıaqtyń arbaýyna túspeýdiń joly qandaı – polıtsııa keńes beredi

2019 jyldyń 19 tamyz 2019 12:55

NUR-SULTAN. QazAqparat – QR Іshki ister mınıstrligi Facebook-tegi paraqshasynda ınternet alaıaqtardyń arbaýyna túsip qalmaýdyń joldaryn kórsetti, dep habarlaıdy QazAqparat tilshisi.

Vedomstvo málimetinshe, alaıaqtar arbaýyna túsiretin qurbandaryn negizinen jyljymvaıtyn múlik pen kólik satý jarnamalary jarııalanatyn saıttardan izdeıdi.

«Qaskúnemder páter nemese kólik satý saıttarynan qurbandaryn tańdap alǵannan keıin olarǵa telefon arqyly habarlasyp, múlkin satyp alýǵa jáne kepil aqsha jiberýge daıyn ekendikterin aıtady. Aldaý arqyly senimge kirgennen keıin satyp alýshynyń tólem kartasyndaǵy «ınternet-bankıng» qyzmetin qosýdy usynady jáne bul rette ózderiniń telefon nómirlerin beredi. Al alaıaqtyń qurbany bolsa bank kartasy men onda esepshottaǵy barlyq aqsha qarjatyn basqarý múmkindigin beredi», - dedi polıtsııadan.

Osyǵan oraı ishki ister departamenti azamattarǵa barynsha saq bolýǵa jáne karta esepshottarynyń jeke málimetteri men pın-kodtaryn eshkimge bermeýge, júzege asyrmaǵan bank kartasy arqyly operatsııalardy rastamaýǵa, anonımdi tólem júıesi arqyly belgisiz adamdarǵa aqsha aýdarmaýǵa, kompıýterde nemese uıaly telefonda kúdikti baǵdarlamalar men qosymshalardy paıdalanbaýǵa keńes beredi.

«Eger Siz alaıaqtardyń qurbany bolsańyz, onda shotyńyzdaǵy aqsha qarajatyńyzdy saqtap qalý úshin eń aldymen óz bankińizdiń baılanys ortalyǵyna júginýińiz qajet. Sonymen qatar qalalyq polıtsııa departamenti júginińiz», - dep atap ótedi departamentten.

Avtor Marlan Jıembaı
Basty sózder: Qylmyspen kúres, QR ІІM,
Joǵary qaraı