Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Internet keńistigin monıtorıngileý kúsheıtiledi

2022 jyldyń 12 qańtar 2022 12:42

NUR-SULTAN. QazAqparat – Internet keńistigin monıtorıngileý kúsheıtiledi. Bul týraly búgin Úkimet otyrysynda QR Aqparat jáne qoǵamdyq damý mınıstri Asqar Ýmarov málim etti, dep habarlaıdy QazAqparat tilshisi.

«Mınıstrlik óz quzireti aıasynda azamattardyń radıkaldanýyna jol bermeý jáne dindi destrýktıvti maqsatta paıdalanýyn boldyrmaý úshin dinı ekstremızmniń aldyn alýǵa baǵyttalǵan jumystardy uıymdastyrdy. Mınıstrlik jergilikti atqarýshy organdarmen birlesip, jalpy profılaktıkalyq sıpattaǵy, sondaı-aq radıkaldy ıdeologııaǵa tartý táýekeli bar halyqtyń nysanaly toptary arasynda aqparattyq túsindirý jumystaryn qolǵa aldy. Áleýmettik jelilerge nazar aýdara otyryp, radıkaldy dinı ıdealogııanyń aldyn alý jáne qarsy nasıhattaý boıynsha aqparattyq alańda belsendi jumys júrgizilýde. Destrýktıvti jáne radıkaldy kózqarastardy ustanýshylardy dástúrli ıslam arnasyna qaıtarý maqsatynda mınıstrlik arnaýly quqyq qorǵaý jáne jergilikti atqarýshy organdarmen birlesip, ońaltý jumystaryn júrgizýde», - dedi Asqar Ýmarov.

Sonymen qatar ol Memleket basshysy belgilegen tapsyrmalardy iske asyrý aıasynda jastar, jumyssyzdar jáne óz-ózin jumyspen qamtyǵan azamattar, dindarlar, destrýktıvti dinı aǵymdardyń jaqtaýshylary sııaqty azamattardyń neǵurlym osal toptarymen ataýly aqparattyq túsindirý jumysy kúsheıtilgenin atap ótti.

«Internet arqyly halyqtyń radıkaldanýyna jol bermeý maqsatynda radıkaldy dinı kontentti anyqtaý, onyń aldyn alý, sondaı-aq áleýmettik jelilerde, ásirese, jastar arasynda dinı ekstremızmdi qarsy nasıhattaý turǵysynda ınternet keńistiginiń monıtorıngin kúsheıtiledi jáne áleýmettik jelilerde radıkaldy toptar men qoǵamdastyqtardyń qazaqstandyq jazylýshylarymen ataýly jumysqa nazar aýdarylady. Destrýktıvti dinı aǵymdardy ustanýshylarmen, onyń ishinde «Jýsan» arnaýly operatsııasy aıasynda terrorıstik belsendi aımaqtardan qaıtarylǵan áıeldermen ońaltý jumysy odan ary jalǵasady», - dedi mınıstr.


Joǵary qaraı