Aýa raıy
Astana -10 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Iordanııa astanasynda kóshelerdiń birine Abaı esimi beriledi

2020 jyldyń 18 qarasha 2020 17:00

AMMAN. QazAqparat – Iordanııa astanasy Amman qalasynda kóshelerdiń birine Abaıdyń esimi beriledi. QazAqparat bul týraly QR Syrtqy ister mınıstrligine silteme jasap habarlaıdy.

Búgin Qazaqstannyń Iordanııadaǵy Elshisi Aıdarbek Tumatov Amman qalasynyń meri ıÝsef ash-Shaýarıbpen kezdesti. Kelissózder barysynda Nur-Sultan ákimdigi men Amman mýnıtsıpalıteti arasyndaǵy yntymaqtastyqty odan ári nyǵaıtý perspektıvalary, sondaı-aq ekijaqty bastamalarǵa qoldaý kórsetý máselesi talqylandy.

Sondaı-aq uly Abaıdyń 175 jyldyq mereıtoıyn atap ótý aıasynda Amman qalasyndaǵy ortalyq kóshelerdiń birine qazaqtyń uly aqynynyń esimin berý týraly ýaǵdalastyqqa qol jetkizildi. Onyń saltanatty ashylýy Qazaqstan Respýblıkasynyń Táýelsizdik kúni qarsańynda josparlanǵan.

Aıta keteıik, 2010 jyldyń mamyr aıynda Korol ІІ Abdallanyń Jarlyǵymen Iordanııa astanasynyń ortalyq kósheleriniń birine QR Tuńǵysh Prezıdenti N.Nazarbaevtyń esimi berildi. 2018 jylǵy jeltoqsanda Ammanda «Astana» kóshesiniń saltanatty ashylý rásimi ótti.

Nur-Sultanda Iordanııa astanasy Amman atyndaǵy kóshe bar, al 2017 jylǵy 27 shildede Iordanııanyń ulttyq kúni aıasynda «EKSPO-2017» halyqaralyq kórmesinde Hýseın ben Talal atyndaǵy kósheni ashý rásimi ótti.





Joǵary qaraı