Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ipoteka alýshynyń tólem qabiletin baǵalaǵanda járdemaqy eseptelýi múmkin be

2021 jyldyń 14 qazan 2021 13:50

NUR-SULTAN. QazAqparat – QR Premer-Mınıstriniń orynbasary Roman Sklıar Májilis ókilderiniń depýtattyq saýalyna bergen jaýabynda ıpoteka alýshynyń tólem qabiletin teksergen kezde járdemaqy nege eseptelmeıtinin aıtty, dep habarlaıdy QazAqparat tilshisi.

«Baqytty otbasy» ıpotekalyq baǵdarlamasyna qatysý úshin otbasynyń árbir múshesine shaqqandaǵy tabys eń tómengi kúnkóris deńgeıiniń 3,1 eselengen shamasynan aspaýǵa tıis. Qaryz alý úshin negizgi talaptardyń biri eńbek nemese kásipkerlik qyzmetten sońǵy 6 aıda kiris túsip turǵan boýly kerek. Sonymen qatar, azamattar ıpotekalyq qaryz alýǵa ótinim bergen kezde qaryz alýshynyń tólem qabiletin tekserý júrgiziledi. Onyń aıasynda járdemaqylar negizgi kiris retinde esepke alynbaıdy», - dep jazdy Roman Sklıar depýtattyq saýalǵa bergen jaýabynda.

Onyń túsindirýi boıynsha, azamattarǵa járdemaqy tirshilik etip, densaýlyǵyn kútý úshin (tamaqtaný, emdeý, ońaltý sharalaryna qatysý jáne t.b.) qoldaý úshin taǵaıyndalady jáne qaryzdardy óteýdi kózdemeıdi.

«Bul rette, «Otbasy bank» AQ-nyń ishki ádistemesi boıynsha járdemaqylar kandıdattyń tólem qabiletin baǵalaý kezinde qosymsha tabys retinde qabyldanady, bul óz kezeginde qaryz boıynsha sheshim shyǵarý kezinde oń áser etedi. Sonymen qatar kezekte turǵandardyń osy sanaty kommýnaldyq turǵyn úı qorynan jalǵa beriletin turǵyn úı alýǵa úmitker bola alady», - dep atap ótti Premer-Mınıstrdiń orynbasary.

Sondaı-aq, ol Memleket basshysynyń Úkimettiń keńeıtilgen otyrysynda bergen tapsyrmasy boıynsha turǵyn úı saıasatyn jetildirý boıynsha jumys júrgizilip jatqanyn, sonyń aıasynda jalǵa beriletin turǵyn úıdi qarjylandyrý tetigin qaıta qaralatynyn atady.

«Jalǵa beriletin turǵyn úı qurylysynan qarajatty tabysy eń tómengi kúnkóris deńgeıinen tómen kezekte turǵandar úshin jalǵa alý tólemin sýbsıdııalaýǵa qaıta baǵyttaý kózdelýde. Bul kezekte turǵan 10 myń adamnyń ornyna 100 myń adamdy memlekettik qoldaý sharalarymen qamtýǵa múmkindik beredi», - dep túıindedi Roman Sklıar.


Joǵary qaraı