Aýa raıy
Astana 19 °S
Almaty 20 °S
valıýta baǵamy
USD 411.66
EUR 465.92
RUB 5.81
CNY 58.79

Iran dıplomaty: Qarýlanýǵa eń kóp qarjy salatyn qýatty derjava da qaýipsizdikti satyp ala almaıdy

2019 jyldyń 12 qarasha 2019 13:23

NUR-SULTAN. QazAqparat – Irannyń eń tanymal dıplomattarynyń biri ári memlekettik qaıratkeri, Irannyń syrtqy ister mınıstri Mohammad Javad Zarıf qaýipsizdik týrasynda óz paıymymen bólisti, dep habarlaıdy QazAqparat tilshisi.

«Álem elderi bir-birimen tyǵyz qarym-qatynasta ómir súredi. Sol sebepti, qaýipsizdik nemese ekologııalyq máseleler belgili bir memlekettiń ǵana problemasy emes ekenin eskerý kerek. Soǵys bolsyn, qarýly konfrantatsııa bolsyn – kez kelgen el belgili bir jeńilistiń dámin tatady. Alıanstar men memleketter arasynda dıalog ornaýy tıis. Biz qarýlanýǵa qarajatty salǵan saıyn ózimizdi qaýipsizdiktemiz dep oılaıtyn sekildimiz. Men AQSh-taǵy 2001 jyldyń 11 qyrkúıegindegi áıgili oqıǵadan keıin Nıý-Iorkte boldym. Nıý-Iorktegi halyqtyń kózinen sonda men úreıdi kórdim. Qarýlanýǵa eń kóp qarjy salatyn qýatty derjavanyń ózi qaýipsizdikti satyp ala almaıdy», - dedi Mohammad Javad Zarıf Astana Club otyrysynda.

Irandyq dıplomattyń aıtýynsha, kez kelgen memleket óziniń kórshi elin – áriptesi, dosy retinde qabyldaýy kerek.

«Eger Aýǵanstan haýsta bolsa, Irandaǵy qaýipsizdik týraly jaq ashpaı-aq qoıýǵa bolady. Sırııadaǵy soǵys aıaqtalmasa, aımaq tynyshtyqta bolmasy anyq. Sol sebepti, qaýipsizdik máselesin qashan da birlese sheshý kerek», - dedi ol.

Aıta ketsek, elordada QR Tuńǵysh Prezıdenti – Elbasy Nursultan Nazarbaevtyń qatysýymen elordada Astana Club otyrysy ótti. Kezekti basqosýǵa álemniń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshysy retinde moıyndalǵan 50-den astam halyqaralyq spıker qatysty. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne Nobel syılyǵynyń laýreaty bar.

Joǵary qaraı