Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Iran Prezıdenti: Ýkraına ushaǵynyń qulaýyna kináliler qylmystyq jaýapqa tartylady

2020 jyldyń 11 qańtar 2020 12:15

TEGERAN. IRNA - QazAqparat – «Orny tolmas bul qatelik úshin kináliler qylmystyq jaýapqa tartylady», dep málimdedi Iran Prezıdenti Hasan Roýhanı senbi kúni.

Bul týraly Irannyń Irna agenttigi habarlady.

Ol adamnyń qateliginen Ýkraına ushaǵynyń qulaǵanynan ókinetinin aıtty.

«Ókinishke qaraı, adam faktory men qate iske qosylǵan zymyrannyń sońy úlken apat ákeldi. Men Irannyń Prezıdenti retinde osy úlken apattyń saldarynan mert bolǵandardyń otbasylary men jaqyndaryna kóńil aıtamyn»,-delingen habarlamada.

Prezıdenttiń aıtýynsha, Iran Syrtqy ister mınıstrligi mert bolǵan azamattardyń máıitterin otbasylaryna jetkizý úshin qodan kelgenniń barlyǵyn jasaıdy.

«Sonymen qatar áýe qorǵanysy kúshteri keshenderiniń barlyq álsiz jaqtaryn joıyp, mundaı áýe apattarynyń ekinshi qaıtalanbaýyna qajetti barlyq sharalar qolǵa alynsyn»,-dedi Iran basshysy.

Osyǵan deıin Iranda 180 jolaýshysy bar Ýkraına ushaǵy qulaǵany týraly habarlandy.

Artynan Qazaqstannyń Syrtqy ister mınıstrligi ushaqta Qazaqstan azamattarynyń joq ekenin habarlady.

Tegeranda qulaǵan Ýkraına ushaǵyndaǵy jolaýshylardyń barlyǵy mert bolǵany anyqtaldy.

Kanada premer-mınıstri Iran jolaýshylar laınerin abaısyzda atyp jiberý múmkin degen boljamyn jarııalady.

Búgin Irna aqparat agenttigi Irannyń áýe qorǵanys kúshteri Ýkraına ushaǵyn qatelesip atyp túsirdi degen aqparat taratty.



foto: ru.irna.ir/news
Joǵary qaraı